Յուրաքանչյուր օտարերկրացի պետք է ընդունի քաղաքում գործող բարեվարքության կանոնները. Հայտնի փաստաբանը քաղաքում տիրող իրավիճակի մասին

Հայտնի փաստաբան Լեվոն Բաղդասարայանը ուշագրավ գրառում է կատարել.

 

Երեվան քաղաքում օտարերկրացիների աննախադեպ հոսքի պատճառով անհրաժեշտ է ,որպեսզի քաղաքային իշխանությունը ոստիկանության հետ համագործակցելով դնի բարեվարքության հստակ խաղի կանոններ եվ հետեվի դրա իրականացմանը, ընդ որում ,դրանք հնարավորինս պետք է հասանելի լինեն օտարերկրացիների համար, ինչպես լրատվական ,այնպես էլ քաղաքում տեղադրված գովազդային վահանակների միջոցով։

Իրավամբ, Հայաստանն,ի տարբերություն շատ երկրների, հյուրընկալ երկիր է , սակայն դա չպետք է լինի ի հաշիվ այնտեղ ապրող քաղաքացիների։

Յուրաքանչյուր օտարերկրացի պետք է ընդունի քաղաքում գործող բարեվարքության կանոնները ,իսկ խախտելու դեպքում ենթարկվի ֆինանսական պատասխանատվության։,որով կշահի ինչպես քաղաքային բյուջեն,այնպես էլ քաղաքամայր Երեվանը չի նմանվի ծովափնյա կամ անհասկանալի մի բնակավայրի, ով ինչ ուզենա անի,ի հաշիվ մեր քաղաքացիների։

Դրա կանխարգելումն ու պոզիտիվ պարտականությունն ընկած է քաղաքային իշխանության վրա։

Լեվոն Բաղդասարյան,փաստաբան։