Ինչպե՞ս վերացնել միջատների խայթոցից առաջացած քորը հատուկ միջոցներ չլինելու դեպքում

Ձեռքի տակ հատուկ միջոցներ չունենալու դեպքում միջատների խայթոցից առաջացած քորը կարելի է վերացնել սոդայի կամ քացախի թույլ լուծույթի օգնությամբ, Агентство городских новостей «Москва»-ին ասել է առողջապահության Մոսկվայի մաշկավեներոլոգիայի եւ կոսմետոլոգիայի մայրաքաղաքային վարչության մաշկավեներոլոգ, «Մոսկվայի բժիշկ» կոչմանն արժանացած Գալինա Տերեշչենկոն։

«Միջատների կծածը առաջ է բերում բորբոքային, ինչպես նաեւ ալերգիկ ռեակցիաներ (վերջինի դեպքում՝ եթե մարդը ալերգիայի հակում ունի)։ Քորը վերացնելու համար խայթոցի տեղն ավելի լավ է մշակել հակասեպտիկով կամ քորի դեմ հատուկ միջոց քսել։ Ձեռքի տակ հատուկ միջոցներ չունենալու դեպքում քորը կարելի է հաղթահարել այսպես կոչված ժողովրդական միջոցներով՝ քացախի կամ սոդայի թույլ լուծույթներով։ Գլխավորն այս դեպքում մեծ խտությամբ քացախ կամ սոդա չօգտագործելն է, որպեսզի դերմատիտ չառաջանա. սովորաբար օգտագործում են մեկ թեյի գդալ սննդի սոդա կամ երեք տոկոսանոց քացախ։ Եթե խայթոցները շատ են եւ նշված միջոցները չեն օգնում, ավելի լավ է հակահիստամինային դեղամիջոց խմել»,- ասել է Տերեշչենկոն։