Մասնագետը նշել է՝ որ միրգն է պաշտպանում քաղցկեղի զարգացումից

Հասարակություն 3 Հուլիս, 2022 10:20

Նուռն ու նռան հյութը յուրահատուկ մթերք են, որոնք հարուստ են հակաօքսիդանտային նյութերով։ Նման բաղադրության շնորհիվ դրանց կանոնավոր գործածությունն օգնում է դանդաղեցնել ծերացման գործընթացներն ու պաշտպանում է օրգանիզմը քաղցկեղից։ Այս մասին «Доктор Питер» պորտալի հետ զրույցում ասել է երիկամաբան, թերապևտ Օլգա Բերդնիկովան։

Մասնագետի խոսքով՝ նռան հատիկներն ու թարմ քամած հյութն օգնում են պայքարել անեմիայի դեմ և հագեցնում են օրգանիզմը մեծ քանակությամբ վիտամիններով ու օգտակար նյութերով։ Մի շարք գիտական հետազոտություններ ապացուցել են, որ այս միրգն անչափ օգտակար է օնկոլոգիական հիվանդությունների դեմ պայքարում։

«Նռան հյութի՝ օնկոլոգիական ախտաբանությունների դեմ պայքարելու հատկությունները կապված են դրանում պարունակվող էլագաթթվի հետ։ Այս թթուն խոչընդոտում է օրգանիզմում չարորակ բջիջների կիսման գործընթացին և օրգանիզմում ապոպտոզ կոչվող գործընթացն է գործարկում, որն էլ չարորակ բջիջների բնական մահն է», - նշել է բժիշկը։

Այնուամենայնիվ մասնագետը նախազգուշացրել է, որ այս մթերքը ոչ մի դեպքում չի կարելի չարաշահել, իսկ դրա հյութը հարկավոր է անպայման նոսրացնել ջրով։ Բանն այն է, որ դրանում պարունակվում են տտպող նյութեր, որոնք կարող են դառնալ ստամոքսի այրոցի և մարսողական խնդիրների առաջացման պատճառ։

https://iravunk.com/sim/?p=230426&l=am/