Հաստատվել է, որ Պա­րո­նյան–Լեո փո­ղոց­նե­րի խաչ­մե­րու­կում Սո­նա Մնա­ցա­կա­նյա­նին վրաերթի ենթարկողը գերազանցել արագությունը. Նոր մանրամասներ

Արա­գա­ծոտ­նում տե­ղի ու­նե­ցած սպանդն ակա­մա հի­շեց­րեց ապ­րի­լի 26–ին Պա­րո­նյան–Լեո փո­ղոց­նե­րի խաչ­մե­րու­կում Սո­նա Մնա­ցա­կա­նյա­նին` Նի­կո­լին ու­ղեկ­ցող մե­քե­նա­յի կող­մից մա­հա­ցու վրա­եր­թի պատ­մու­թյու­նը: Ավ­տով­թա­րի հե­տեւան­քով մա­հա­ցած Սո­նա Մնա­ցա­կա­նյա­նի իրա­վա­հա­ջոր­դի շա­հե­րի ներ­կա­յա­ցու­ցիչ ՐԱՖ­ՖԻ ԱՍ­ԼԱ­ՆՅԱ­ՆԻՑ փոր­ձել ենք հե­տաքրքր­վել, թե ինչ ըն­թաց­քի մեջ է սույն քրգոր­ծը, որ­քա­նո՞վ է օբյեկ­տիվ ըն­թա­նում քննու­թյու­նը: Փաս­տա­բա­նը նախ տե­ղե­կաց­րեց.

– Քրե­ա­կան գոր­ծը դե­ռեւս նա­խաքն­նու­թյան ըն­թաց­քում է, իսկ հու­նի­սի 24–ին Վե­րաքն­նիչ դա­տա­րա­նում դա­տա­կան ստուգ­ման է են­թարկ­վե­լու կա­լա­նա­վո­րու­մը` որ­պես խա­փան­ման մի­ջոց կի­րա­ռե­լու մա­սին միջ­նոր­դու­թյու­նը մեր­ժե­լու վե­րա­բե­րյալ առա­ջին ատյա­նի դա­տա­րա­նի որո­շու­մը` Դա­տա­խա­զու­թյան բո­ղո­քի հի­ման վրա:

– Ի՞նչ գնա­հա­տա­կան կտաք նա­խաքն­նու­թյան ըն­թաց­քի վե­րա­բե­րյալ:

– Նա­խաքն­նու­թյան ար­դյունք­նե­րի վե­րա­բե­րյալ ­մենք հե­տե­ւու­թյուն­ներ այս պա­հին չենք կա­րող անել, քա­նի որ քրե­ա­կան գոր­ծի նյու­թե­րին ծա­նոթ չենք: Հենց ավար­տա­կան փու­լում ծա­նո­թա­նանք, նոր կա­րող ենք հստակ հե­տեւու­թյուն­ներ անել:

Կա­րող եմ ասել, որ հա­մա­պա­տաս­խան փոր­ձաքն­նու­թյամբ հաս­տատ­վել է, որ շա­րա­սյան ղե­կա­վա­րը՝ Սո­նա Մնա­ցա­կա­նյա­նին վրա­եր­թի են­թար­կող Արամ Նա­վա­սար­դյա­նը, գե­րա­զան­ցել է արա­գու­թյու­նը: Բա­ցի այդ, նշված վայ­րում ռե­լի­ե­ֆի խնդիր էլ կա, այդ ռե­լի­ե­ֆը դե­պի վե­րեւ է բարձ­րա­նում, կո­րա­նում է: Դա նշա­նա­կում է, որ նույ­նիսկ 100 արա­գու­թյու­նը նման դեպ­քե­րում թույ­լատ­րե­լի չէ, սա­կայն գե­րա­զանց­վել է նույ­նիսկ 100 արա­գու­թյու­նը:

–Մե­ղադ­րյա­լի փաս­տա­բա­նը եւս հան­դես է եկել որո­շա­կի հայ­տա­րա­րու­թյուն­նե­րով:

– Այո, հայ­տա­րա­րու­թյուն­ներ էին ար­վել՝ մաս­նա­վո­րա­պես, որ իբ­րե­ւ թե Սո­նա Մնա­ցա­կա­նյա­նը եր­թե­ւե­կելի գո­տի է մտել առանց հա­մա­պա­տաս­խան թույլտ­վու­թյան: Բայց գոր­ծի նյու­թեր­ից ակն­հայտ էր, որ հե­տի­ոտ­նի հա­մար նա­խա­տես­ված ան­ցու­մը Սո­նա ՄՆա­ցա­կա­նյա­նը հա­տել է կա­նաչ լույ­սի առ­կա­յու­թյան պայ­ման­նե­րում, թույ­լատ­րե­լի է եղել, եւ որե­ւէ խախ­տում չկար իր կող­մից:

– Հնա­րա­վո՞ր է, որ նա­խաքն­նու­թյան ըն­թաց­քում նոր մե­ղադ­րյալ­ներ ի հայտ գան:

– Մենք պա­հան­ջում ենք նա­եւ, որ շա­րա­սյան ղե­կա­վա­րի գոր­ծո­ղու­թյուն­նե­րին քրե­ա­ի­րա­վա­կան գնա­հա­տա­կան տրվի: Այս պա­հի դրու­թյամբ հստակ ոչինչ ասել չենք կա­րող, բայց քրգոր­ծի ամ­բող­ջա­կա­նու­թյա­նը մենք հե­տե­ւե­լու ենք` տու­ժող Սո­նա Մնա­ցա­կա­նյա­նի մահ­վան հա­մար մե­ղա­վոր բո­լոր ան­ձանց քրե­ա­կան պա­տաս­խա­նատ­վու­թյան ան­խու­սա­փե­լի­ու­թյա­նը հաս­նե­լու հա­մար:

ԻԼՈ­ՆԱ ԱԶԱ­ՐՅԱՆ