Նոր, բացառիկ մանրամասներ Ապարանի արյունոտ միջադեպից

«Իրավունքին» որոշ մանրամասներ են հայտնի դարձել Ապարանում տեղի ունեցած արյունոտ միջադեպից: Մասնավորապես, ըստ ապարանիցների շրջանում տարածված լուրերիկ. սպանության մեջ մեղադրվող երիտասարդն ու դեպքին ներկա գտնված նրա ընկերները ծնունդով Արագածոտնի մարզի Ձորագլուխ համայնքից են, բնակվում են Երևանում։ Ըստ նույն լուրերի միջադեպից մի օր առաջ սպանության մեջ կասկածվողը  իր ընկերների  հետ եկել է Ապարան։ Որտեղ նրա մեքենայի կայանման հետ կապված վիճաբանության մեջ է մտնում միւադեպի մասնակիցների հետ: Ասում են, որ կարճ վեճից հետո տղաները իրար հասկանում են, ու, երբ արդեն որոշում են ցրվել ամեն մեկը իր գործով, խոսակցությանը միիջամտում է Ոստիկանության սահմանապահ զորքերում  ծառայողներից մեկը, որը հաջորդ օր սպանվում է։ Վերջինս, միջամտելով խոսակցությանը,  հարցուփորձ է անում՝ թե ինչու էին տղաները  ազդանշան տալիս, երևանաբնակ ապարանցիներն էլ բացատրում են, թե՝ ամեն ինչ հարթվել է, միմյանցից ներողություն են խնդրել,  և կարիք չկա նորից թեժացնելու  հարթված վեճը։

Սակայն, հաջորդ օրը, ապարանցիները, այսպես ասած, վստրեչ են կանչում, տղաներին` հաշիվներ մաքրելու: Սկսվել է, վեճ, մեկը մյուսին վիրավորել է, հիշել են նաեւ Փաշինյանին: Հանդիպմանը երանից ժամանածները ձեռնունայն չէին եկել, ինչպես հետո պարզվում է,  մեքենայից հանել են որսորդական հրացանը, այն ձեռքն է վերցրել կալանավորված անձը` ու կրակել իրենց հետ հաշինվներ մաքրելու եկած ապարանցիների ուղղությամբ: 

Նույն խոսակցությունների համաձայն, ապարանցիներին, հաշիվներ մարքելու համար ,այսպես ասած, դուխ է տվել Գնթունիքի սեփականատեր Կարեն Եղիազարյանը: Ու, քրոջ որդին եւս հաշիվ մաքրողներից մեկն էր, ով, ցավոք, նաեւ սպանվածներից մեկն է:

ԻԼՈՆԱ ԱԶԱՐՅԱՆ