Քարդաշյանին մեղադրում են լեգենդար զգեստը վնասելու համար

Ամերիկյան լրատվամիջոցները հայտնում են, որ Քիմ Քարդաշյանը վնասել է Մերլին Մոնրոյի հայտնի զգեստը, որը կրել է Met Gala-ի ժամանակ: Pop Culture-ը նշում է, որ զգեստի վրա վնասված հատվածներ կան, ինչպես նաեւ բացակայում են մի քանի բյուրեղներ: Քարդաշյանն այն վարձակալել էր 5 մլն դոլարով, եւ որպեսզի կարողանա մտնել դրա մեջ, 3 շաբաթվա ընթացքում նիհարել էր 7 կգ-ով: Բայց դա բավական չի եղել, քանի որ ի տարբերություն Մոնրոյի, շատ ավելի փարթամ մարմին ունի:

Լուսանկարներում երեւում է, որ հագուստի հետեւի մասում որոշակի ձեւափոխություններ են արել, որոնք ծածկելու համար նա թիկնոց է կրել: Կարմիր գորգից դուրս գալուց անմիջապես հետո Քարդաշյանը հագել է զգեստի կրկնօրինակը: