Պարտությունն էլ է տղամարդու համար, բայց դրա համար տղամարդ պետք է լինել. Հայտնի փաստաբանը ընդդիմության գործողությունների եւ առկա իրողությունների մասին

 

Պարտությունն էլ է տղամարդու համար, բայց դրա համար տղամարդ պետք է լինել։ Եթե ես իրավապաշտպան ոլորտում հաղթանակների փոխարեն պետք է գրանցեմ պարտություններ, ես պետք է հեռանամ այդ հարթակից ու զբաղվեմ այնպիսի գործով, որտեղ կարող եմ արձանագրել հաջողություններ։

Քառասուն-հիսուն օր իշխանության թողտվությամբ փակես քաղաքի գլխավոր պողոտաները, գոռաս, հոխորտաս, թե հաղթելու ես, ով հրապարակ չգա, դավաճան է, հետո էլ չընդունես պարտությունդ, բայց ասես՝ հավաքվում, հեռանում ենք հրապարակից։

Նիկոլն, իրավամբ, այնքան խիստ վարվեց ձեր նկատմամբ, որ չցրեց ձեր երթերն ու ցույցերը, այլ թողեց, ինչպես ինքն էր կանխատեսել, մաշվեք ու պրծնեք։

Պարտությունը ևս մարդու համար է, խոստովանեք ու հեռացեք, եթե ձեր համար ավելի կարևոր է պետական շահը, քան նեղ անձնային կամ կուսակցական շահը։

Իսկ ձեր ցույցեր-երթերի պատճառով կալանավորված ու ապագայում տարիների ազատազրկման դատապարտվող անձանց խորտակվող ճակատագրերի խարանն ընկած է ձեր ուսերին։ Գոնե այնքան բարոյականություն ունեցեք, փակեք ընտանիքների ծախսերը, և վարձեք բարձրակարգ փաստաբաններ։