Երբ մեր մեծերից որևէ մեկը հեռանում է, ամենքս ինչ-որ չափով աղքատանում ենք. Խորեն Լեւոնյանը` Ռաֆայել Քոթանջյանի մասին

Սիրված դերասան և հաղորդավար, ՀՀ Վաստակավոր արտիստ Խորեն Լևոնյանը կսկիծով ու ափսոսանքով է խոսում Ռաֆայել Քոթանջյանի և, առհասարակ,  հայ մեծերի կորստի մասին.

- Ամեն անգամ, երբ մեր մեծերից որևէ մեկը հեռանում է, ամենքս ինչ-որ չափով աղքատանում ենք ու սպասում ենք, որ նրանց տեղը պետք է նորերը գան, նրանց անունների կողքին պետք է գրվեն նոր արժանավոր անուններ: Բայց, ցավոք սրտի, այն դպրոցը, որից նրանք են սերել և այն երկիրը,որտեղ նրանք են ապրել, այլևս չկան… մենք միշտ կարոտով կհիշենք նրանց կողքին լինելը, նրանցից ինչ-որ բան սովորելը: Անսահման հոգատար ու բարի ներաշխարհի տեր մարդ էր պարոն Քոթանջյանը, իր գործի իսկական վարպետ: Ես նրան միշտ այդպիսին կհիշեմ ու կպահեմ իմ սրտում:

Ցավակցում եմ դերասանի ընտանիքի բոլոր անդամներին, ցավակցում եմ մեզ բոլորիս, որ կորցրեցինք ևս մի մեծի, լեգենդի: Նա էլ պակասեց մեր կյանքից, բայց իր հաստատուն տեղը գրավեց մեր հիշողության մեջ, երկնքում և հայ եւ սովետական ֆիլմի ու թատրոնի պատմության էջերում: