«Իրավունք» թերթի տպագիր համարներ

Հանրությանը պառակտելու նոր ստանդա՞րտ․ ԶԱՐՄԱՆՔ

Զարմանք

Իշխանությունը շարունակում է 2018 թվականից սկսած՝ հանրության պառակտման հետեւողական քաղաքականությունը։ Եթե Երեւանի նախկին քաղաքապետ Հայկ Մարությանը հանրությանը բաժանում էր սեւերի ու սպիտակների, ապա գործող քաղաքապետ ՏԻԳՐԱՆ ԱՎԻՆՅԱՆՆ այս հարցում ամենեւին չզիջեց նրան։ Վերջինս նույն հանրությանը որոշել է բաժանել արտոնյալ եվրոստանդարտներին համապատասխանողների ու չհամապատասխանողների, որոնց համար կսահմանվեն մայրաքաղաքում սահմափակումներ։ Հանրային հեռուստատեսության եթերում տված հարցազրույցում Ավինյանը նշել է, որ քաղաքապետարանն առաջիկայում կներկայացնի անձնական ավտոմեքենաների սահմանափակումների փաթեթ, որի մեջ ընդգրկված է նաեւ, որ Euro 4 ստանդարտից ցածր մեքենաների երթեւեկությունը մայրաքաղաքում կսահմանափակվի։ Սա վերաբերում է մեծ մասամբ մինչեւ 2005 թվականի արտադրության մեքենաներին։ Այսինքն՝ այն մեքենաները, որոնք արտադրվել են մինչեւ 2005 թվականը ու գրանցվել մինչեւ 2006 թվականը, նրանց համար սպասվելու են երթևեւեկության սահմանափակումներ։ Եվրոպական շուկայի համար արտադրված մեքենաների մեծ մասը, որոնք թողարկվել են մոտավորապես 2005-2010 թթ.-ին, Euro 4 են։ Որոշ արտադրողներ ստանդարտին համապատասխանել են ավելի վաղ՝ 2000-ականների սկզբին։ Euro 4-ը Եվրամիության կողմից նոր մեքենաների համար սահմանված արտանետումների բնապահպանական ստանդարտ է։

Իսկ ԱԺ ՔՊ խմբակցության քարտուղար ՎՈԼՈԴՅԱ ՀԱԿՈԲՅԱՆԸ, լրագրողների հետ ճեպազրույցում անդրադառնալով իշխանության կողմից նոր Սահմանադրությունը հանրաքվեի դնելու առաջարկին, Նիկոլ Փաշինյանի հայտարարությանը, որ «եթե ժողովուրդը կմերժի Սահմանադրությունը, ես հրաժարական եմ տալիս» եւ խորհրդարանական ընդդիմության վճռական «ոչ»-ին՝ ասել է. «Վարչապետը շատ հստակ առաջարկ հնչեցրեց ընդդիմության համար։ Կարծում եմ՝ ցանկացած ընդդիմություն, եթե հռչակել է, որ իր նպատակը իշխանափոխությունն է, պետք է համաձայնի այդ տարբերակին, որովհետեւ ընդդիմությունը 2021 թվականից սկսած հայտարարել է, որ խորհրդարան է գալիս մեկ նպատակով՝ վարչապետին հեռացնելու, իշխանափոխություն իրականացնելու։ Հիմա ռեալ շանս ունեն այդ ծրագիրը իրագործելու՝ քվեարկել եւ թույլ տալ, որ Սահմանադրությունը հանձնվի ժողովրդի դատին եւ, ի վերջո, ժողովուրդը որոշի՝ կո՞ղմ է նոր Սահմանադրությանը, թե՞ դեմ է»։ Լավ, համարենք, որ Հակոբյանն ամեն ինչ ճիշտ է ասում, Փաշինյանն էլ է ճիշտ ասում, որ նոր Սահմանադրությանը չանցնելու դեպքում, ինչպես վերջինս նշել է, «ռադները կքաշենք, կգնան»։ Բա այս դեպքում՝ Հակոբյանն ինչո՞ւ է ոգեւորված, որ ընդդիմության համար իրենց իշխանությանը հեռացնելու ռեալ շանս է գտնվել։ Թե՞ կարծում է՝ Փաշինյան Նիկոլը հեռանալու է, բայց իրենք մնան իշխանության։

Ի դեպ, դատախազությունը քրեական վարույթ է նախաձեռնել ԱԺ-ում տեղի ունեցած ծեծկռտուքի առթիվ։ Լրագրողների հարցին, թե ինչու էր աթոռ նետում ընդդիմադիր պատգամավորների վրա, ԱԺ փոխնախագահ ՎԱՀԱԳՆ ԱԼԵՔՍԱՆՅԱՆԸ տվել է «ֆանտաստիկ» պատասխան. «Աթոռ նետելով՝ ուզել էի ամբիոնից ելույթ ունեցող պատգամավորի նկատմամբ չսադրված հարձակումը ընդդիմադիր պատգամավորների կողմից սաստել»։ Այ քեզ բա՜ն, Փաշինյանն էլ կառավարության հետ հարցուպատասխանի ժամանակ ԱԺ ամբիոնից սպառնում էր «բուլդուզերներով» անցնել ընդդիմության վրայով։ Կարո՞ղ է հաջորդիվ Ալեքսանյանը «բուլդուզերով» որոշի սաստել ընդդիմադիր գործընկերներին, թե՞ միանգամից բայրաքթար է կիրառելու։

ԶԱՐՄԱՑԱԾ Է «ԻՐԱՎՈՒՆՔ»-Ը

Թքե՛ք այդ մանդատների վրա, պահել եք որ ի՞նչ․ Հայկ Բաբուխանյան ՍԻՄ նախագահը կուսակցության գրասենյակում ընդունել է ՄԱՍԿ նախագահին ՍԻՄ նախագահը հանդիպել է ՀԺԿ կուսակցության ղեկավարի հետ «Արդյո՞ք ԵՄ-ն դեռ կլինի 20 տարի անց։ Ի՞նչ կլինի Հայաստանի հետ, ԵԱՏՄ-ի հետ». Հայկ Բաբուխանյան Փաշինյանը շարունակում է հետապնդել «Իրավունք» թերթի կայքը ՈՒՂԻՂ. Նիկոլի բանանը, Ալենի ոտքերն ու ընդդիմության անձեռոցիկները. ՀԱՅԿ ԲԱԲՈԻԽԱՆՅԱՆ Նոյեմբերի 9-ի հայտարարության կատարման դեպքում Արցախը կունենայինք, ԹՐԻՓՓ-ն էլ չէր լինի․ Հայկ Բաբուխանյան ՈՒՂԻՂ. Համախմբվում են որ ի՞նչ անեն․ Հայկ Բաբուխանյան ՈՒՂԻՂ․ Ինչու իրար ծեծեցին ուժեղներն ու դուխովները․ Հայկ Բաբուխանյան Նեոնացիզմի փաստաբան «կատակասեր» Սարիկը ՇՆՈՐՀԱՎՈՐԱՆՔ Տեղի ունեցավ ՍԻՄ կուսակցության 29-րդ համաժողովը ՑԱՎԱԿՑԱԿԱՆ ՈՒՂԻՂ․ Ի՞նչ ճանճ է կծել Նիկոլին․ Հայկ Բաբուխանյան Նիկոլի Արցախից հրաժարվելը տեղի ունեցավ Եվրամիության , հատկապես Ֆրանսիայի, ճնշման ներքո Ամենագաղափարական ընդդիմությունը մենք ենք․ Հայկ Բաբուխանյան ՈՒՂԻՂ. Նիկոլը յավաշ֊յավաշ ու կհանձնի Հայաստանը. Հայկ Բաբուխանյան Սա պատերազմ է հայ հավատացյալ ժողովրդի դեմ․ Հայկ Բաբուխանյան Քոչարյանական դաշինքը ոտնահարում է ոչ միայն Ղրիմի, այլեւ Արցախի իրավունքը Սրանից ավել էլ ի՞նչ անեն, հոգևորականներին կախե՞ն ծառից, գնդակահարե՞ն նրանց․ Հայկ Բաբուխանյան Ժողովուրդ ջան, մեր երկիրը մազից է կախված, եկեք փորձենք փրկել․ Հայկ Բաբուխանյան Ժողովուրդը պետք է որոշի՝ ուզում է մնալ ԵԱՏՄ-ում, թե՞ գնալ Եվրամիություն․ Բաբուխանյան Եթե Փաշինյանը դավաճանա, ինչի՞ եք իր հետ նույն սեղանի շուրջ նստում․ Բաբուխանյան (տեսանյութ) ՀՀ-ում ստորագրահավաք է սկսվել արտաքին քաղաքական հարցով հանրաքվե անցկացնելու համար Պաշտպանենք Անկախության հռչակագրի յուրաքանչյուր տառը․ Հայկ Բաբուխանյանի կոչը կուսակցություններին