Կխոսեմ, եթե մինչ այդ չհերքվի․ ՔՊ-ական պատգամավորը կնոջը ֆիզիկական բռնության ենթարկելու մասին

Իշխանական պատգամավոր, ԱԺ մարդու իրավունքների հանձնաժողովի անդամ Ռուստամ Բաքոյանի անվան շուրջ սկանդալ է հասունանում: 

Politik.am-լրատվականի փոխանցմամբ` Ռուստամ Բաքոյանի քաղաքացիական կինը իրենց հայտնել է, որ համատեղ կյանքի ընթացքում բազմաթիվ անգամներ պատգամավորը ֆիզիկական բռնության է ենթարկել քաղաքացիական կնոջը։ 

Երկու նման դեպքերից հետո արված լուսանկարները Բաքոյանի արդեն նախկին կինը փոխանցել է Politik.am-լրատվականին:

Վերոնշյալի շուրջ <<Իրավունքը>> փորձեց մեկնաբանություն ստանալ կնոջը ծեծի ենթարկելու մեջ մեղադրվող ամուսնուց՝ ՔՊ-ական պատգամավոր Ռուստամ Բաքոյանից, ով նկատեց միայն․

-Դատախազությունը ուսումնասիրում է, կուսումնասիր՝ կավարտի, կխոսեմ, եթե մինչ այդ չհերքվի, անպայման կանդրադառնամ։ Հիմա չեմ մեկնաբանում, չեմ խոսում։