Ինչպես խուսափել մեջքի ու պարանոցի ցավից` համակարգչով աշխատելիս

Համակարգչով աշխատելիս մարդիկ երկար ժամանակ նույն դիրքով ու սխալ կեցվածքով  են լինում, ինչն էլ հանգեցնում է պարանոցի ցավերի։ Նման դեպքերում ցավից խուսափելու համար հարկավոր է պահպանել մարմնի ճիշտ դիրքը։ Այս մասին «Վեչերնյայա Մոսկվա»-ի հետ զրույցում ասել է օստեոպատ Սերգեյ Եվդոկիմովը։

«Մեր մարմնում մենք ունենք երեք կարևոր կետ՝ գլխի վերին հատվածը, սրբանն ու կրունկները։ Այս կետերի միջոցով օրգանիզմը որոշում է մարմնի ճիշտ դիրքը։ Հարկավոր է կենտրոնանալ գլխի վերին հատվածի վրա։ Այսինքն՝ պատկերացնել, որ ձեզ բարձրացրել են այդ կետից ու վեր են ձգում, որպեսզի ուսերն ուղղվեն», - նշել է մասնագետը։