Պարոն Դումանյա՜ն, ուզում եմ ձեզ տեղեկացնել, որ դուք դեռ Հայաստանի Հանրապետության ԿԳՄՍ նախարար եք, այլ ոչ` ադրբեջանի. Աննա Հովների բաց նամակը

Պարոն Դումանյա՜ն, ուզում եմ ձեզ տեղեկացնել, որ դուք դեռ Հայաստանի Հանրապետության ԿԳՄՍ նախարար եք, այլ ոչ` ադրբեջանի:

Դուք հավանաբար տեղյակ եք, թե Սևանի 4-րդ հիմնական դպրոցում ինչպիսի թուրք-ադրբեջանական քարոզչություն է ծավալվում: Ուսուցիչները բացահայտ սովորեցնում են հայ երեխաներին, որ երկու հայասպան պետությունները մեր բարեկամներն են, և ստիպում իրենց նկարել հայ ազգի թշնամիներին` քարոզելով, որ իրականում իրենք թշնամի չեն:

Նայեք նկարին. ծանո՞թ դեմք է: Այո, Թալեաթ փաշան է: Հենց այն Թալեաթն, ում սպանեց Սողոմոն Թեհլերյանը:

Էս ի՞նչ եք թույլ տալիս, այս ու՞ր եք հասել: Եվ այս դպրոցի ուսուցիչներն ու այս ամենի կազմակերպիչները պետք է մնան անպատի՞ժ: Պետք է շարունակեն դասավանդե՞լ:

Սա պետական դավաճանություն է, սա հանցագործություն է: Եվ եթե դուք տեղյակ չէիք այս ամենի մասին, եթե դուք նույնպես չեք համարում, որ Թալեաթն իրականում թշնամի է, և դեմ եք Թեհլերյանին` ապա բացահայտ արտահայտեք ձեր կարծիքը:

Եթե դուք չեք կիսում Սևանի 4-րդ դպրոցի ուսուցիչների կարծիքն ու թրքասիրությունը` ապա պարտավոր եք քայլեր ձեռնարկել և ազատել աշխատանքից նրանց:

Այսպես անպատասխան սա չի՜ կարող մնալ:

Արցախի դրոշից եք վախենում, բայց ադրբեջանի և թուրքիայի դրոշներն եք շարում դպրոցի սեղանների՞ն: Ես ինչպե՞ս անվանեմ այս ամենը: Դուք նախարար եք, ինչպե՞ս կարող եք նման բան թույլ տալ:

Ապացուցեք, որ դուք այդպես չեք մտածում և դուրս հանեք այդ մարդկանց դպրոցից: Հավատացեք, սա ձեր շահերից է բխում:

Պարոնայք ոստիկաններ, գործ կա:

Լուրջ գործ: Խնդրում եմ, զբաղվել: