Նոր օրենսգրքով ինչ է սպասվում դատապարտյալներին

Ազգային ժողովում երեկ գումարված արտահերթ նիստում քննարկվեց ՀՀ քրեակատարողական օրենսգրքի նախագիծը: Ըստ ՀՀ արդարադատության նախարարի տեղակալ ԱՐՓԻՆԵ ՍԱՐԳՍՅԱՆԻ` նոր օրենսգիրքը կառուցված է այն տրամաբանության վրա, որ յուրաքանչյուր դատապարտյալի հետ պետք է տարվի  անհատականացված աշխատանք: Նորարարությունն այն  է, որ քրեակատարողական հիմնարկ մուտք գործելուց հետո կարանտինային բաժանմունքում յուրաքանչյուր դատապարտյալի համար կազմվելու է պատժի կրման անհատական պլան, եւ ըստ այդմ` երեքից վեց ամսվա պարբերականությամբ այն վերանայվելու է: Այս առումով կապահովվի կանխատեսելիություն, եւ կիրականացվեն թիրախային միջոցառումներ: Իսկ ուղղիչ հիմնարկների տեսակներին կփոխարինեն անվտանգության երեք` ցածր, միջին եւ բարձր գոտիներ` հաշվի առնելով դատապարտյալների ռիսկերի եւ կարիքների գնահատումը: Կսահմանվեն նաեւ պատժի կրման մեղմ եւ խիստ ռեժիմներ:

Ինչ վերաբերում է անչափահաս դատապարտյալներին, նոր օրենսգրքով նրանց պատժի կրման համար հատուկ վերականգնողական պայմաններ պետք է լինեն: Նախատեսված է, որ առանձնահատուկ վերաբերմունք պետք է ցուցաբերվի անչափահասների նկատմամբ` հաշվի առնելով տարիքային առանձնահատկություններն ու սոցիալ-հոգեբանական խնդիրները:

ՀՐԱՆՏ ՍԱՐԱՖՅԱՆ

Այս թեմայով Թույլ չտա՛նք, որ զանազան մանիպուլյացիաներով արժեզրկեն մեր անցյալի հաղթանակները․ Սերժ Սարգսյան Հազար նոր ավտոբուս էլ բերենք, պիկ ժամերին հնարավոր է քչություն անի. Աշոտ Սարգսյան ՔՊ-ի կեղտոտ սպիտակեղենը փռել են արեւին Հայկ Սարգսյանն ասեց՝ պապայի ընկերն ա, կարա՞ գա. Սիմոնյանը մանրամասներ է պատմում քրեական հեղինակության հետ հանդիպումից Արդարադատությունը քնում է, բայց չի մահանում․ ԸՆԿԵՐ ՓԱՆՋՈՒՆԻ