Պահանջում ենք ամերիկյան բիոլաբորատորիաները դուրս հանել մեր երկրից. Խաչատրյան

Տեսանյութեր 20 Մայիս, 2022 21:30

ՀՀ-ում ՌԴ դեսպանությունը հաղորդագրություն է տարածել, որտեղ անդրադառնալով Մոսկվայում ՀԱՊԿ անդամ երկրների ղեկավարների հանդիպմանը` ընդգծվել է, որ Ռուսաստանի նախագահ Վլադիմիր Պուտինը հատուկ ուշադրություն է դարձրել նախկին ԽՍՀՄ տարածքում կենսաբանական անվտանգության ապահովման խնդիրներին։ Դեսպանությունը մասնավորապես շեշտել է, որ հարցեր ունեն` կապված կենսաբանական ոլորտում Հայաստանի եւ ԱՄՆ-ի ու նրա դաշնակիցների փոխգործակցության մասին ստացվող (ներառյալ` ռազմական գերատեսչությունների միջոցով) տեղեկությունների վերաբերյալ. «Մանրակրկիտ վերլուծության է արժանի նաեւ արեւմտյան մասնավոր ընկերությունների գործունեությունը, որոնք, Պենտագոնի շահերից ելնելով, կենսաբանական հետազոտություններ են իրականացնում Անդրկովկասյան տարածաշրջանում, ինչպես նաեւ Ուկրաինայի կենսաբանական նախագծերին մասնակցող Հայաստանի կառույցների առկայությունը։ ԱՄՆ-ն ու նրա դաշնակիցները չեն բացատրում, թե ինչ են անում Հայաստանում` ռուսական սահմանների անմիջական հարեւանությամբ։ Այս գործոնն, իհարկե, մեր կողմից հաշվի է առնվում Ռուսաստանի կենսաբանական անվտանգության ապահովման համատեքստում»։ Անդրադառնալով վերոնշյալին` «Իրավունք TV»-ի տաղավարում զրուցել ենք «Առողջ հանրություն» ՀԿ նախագահ, նեյրովիրաբույժ ՄԱՐԻՆԱ ԽԱՉԱՏՐՅԱՆԻ հետ:

– Ըստ Ձեզ` այսքանից հետո` կհաջողվի՞ Հայաստանին շարունակել շրջանցել այս հարցը, ինչպես շրջանցեց այն ՀԱՊԿ գագաթնաժողովի ժամանակ Նիկոլ Փաշինյանը:

– Իհարկե` ոչ, որովհետեւ առաջին հերթին մենք` ՀՀ քաղաքացիներս ենք պահանջում, որ ամերիկյան բիոլաբորատորիաները դուրս շպրտվեն մեր երկրից: Ի դեպ, մոտ օրերս մի հետաքրքիր ուղիղ եթեր եմ անելու` հետաքրքիր մի տեղից, բայց թույլ տվեք դրա մասին չկոնկրետացնել: Միայն ասեմ, որ Հայաստանում հայտնվել են կենդանիներ, որոնք նորմալ չեն: Ամեն կերպ փորձեմ ցույց տալ: Դրանք առայժմ փոքրիկ կենդանիներ են: Ըստ էության, ԱՄՆ-ում արգելված բոլոր փորձերը կատարվում են նախկին ԽՍՀՄ երկրներում, եւ բնական է, որ Ռուսաստանն իր ամբողջականությունն ու պետությունը պաշտպանելու համար պետք է պայքարի ցանկացած սպառնալիքի դեմ, որովհետեւ սա ուղղված է իր գոյության դեմ: Մենք` հայերս էլ պետք է պայքարենք, որպեսզի այդ բիոլաբորատորիաները, որոնք փակ կառույցներ են, ՀՀ տարածքից վերացվեն: Վերջերս ընկերներիցս մեկն էր զանգահարել եւ ասում էր, թե այդ բիոլաբորատորիաները ոչ միայն ամերիկյան են, այլ դրանցում կան նաեւ ռուսական ենթակառույցներ: Մինչդեռ այն բիոլաբորատորիան, որի մասին ես տեղեկություն եմ ստացել օրեր առաջ, որեւէ ռուսական գրասենյակ չունի եւ ամբողջությամբ փակ կառույց է համարվում: Ավելին` ինձ ասացին, որ եթե կառավարության, ԱԱԾ-ի կամ մեկ այլ գաղտնի օբյեկտ Հայաստանում նկարես, քեզ կարող է ոչինչ էլ չասել, բայց եթե այդ բիոլաբորատորիան տեսանկարահանես, քեզ անմիջապես կձերբակալեն: Ահա այսպիսի գաղտնիության պայմաններում են տեղի ունենում փորձարկումները: Օրինակ` խաչասերումը մի սարսափելի բան է եւ նշանակում է գենետիկ մակարդակով ազդող զենքի ստեղծում: Դուք հիշատակեցիք ՀԱՊԿ գագաթնաժողովի հանդիպումը, բայց նաեւ հիշեցնեմ, որ ավելի վաղ ՌԴ ՊՆ-ն պաշտոնական հայտարարություն էր տարածել, որ Pfizer, Moderna, Merck & Co ընկերությունը, որը պատկանում է Ջորջ Սորոսին եւ էլի մի ընկերություն, քովիդի դեմ իրենց պատվաստանյութերի միջոցով կատարել են փորձարկումներ ուկրաինացիների վրա: Եվ այս ընկերություններից առնվազն երկուսը Հայաստանին նվիրել են քովիդի դեմ պատվաստանյութեր:

– Ակնարկում եք այն, որ նույն այդ ընկերությունները կարող էին Հայաստանում ե՞ւս ներգրավված լինել ԱՄՆ ռազմական կենսաբանական գործունեության մեջ:

– Ամեն դեպքում, այն մարդկանց հետ, ովքեր հիվանդանոցներում Քովիդի բուժման անվան տակ փորձարկումներ էին անում, ունեցել եմ լուրջ խոսակցություն` ասել, որ իրենք չդառնան Գերմանիայի բժիշկ մարդասպանները: Փաստեր եմ ներկայացրել, որ իրենք փորձարկումներ են անում, ինչի մասին կան հայտարարություններ նաեւ Առողջապահության համաշխարհային կազմակերպության (ԱՀԿ) կայքում: Հորդորել եմ չանել ապօրինի գործողություններ, որովհետեւ մարդկանց իրավունքներն են խախտվում: Իհարկե, կան դեպքեր, ծրագրեր, բուժման մեթոդներ, որ փորձարկում կարող է կատարվել, բայց այն պետք է արվի` բացառապես պահպանելով օրենքը, ապահովագրելով այդ մարդկանց կյանքը եւ նրանց իրազեկելով: Մինչդեռ ինձ լկտիաբար պատասխանեցին, թե «փորձարկում արել ենք, անելու ենք ու ոչ մեկին էլ չենք իրազեկելու»: Այնպես որ, այո՛, ՀՀ-ում քովիդի բուժման եւ պատվաստանյութերի միջոցով կատարվում են ապօրինի կլինիկական փորձարկումներ: ՀՀ-ում կան սպիտակ խալաթն ու Հիպոկրատի երդումը արատավորող եւ արյունոտող բժիշկ մարդասպաններ, ովքեր պետք է ինչպես գերմանիայի բժիշկ մարդասպանները, անցնեն Նյուրնբերգյան դատավարության միջով: Պետք է մահապատժի ենթարկվեն կամ ցմահ բանտարկության, սրանցից ոչ ոք չպետք է պլստա: Քանի դեռ մեր երկրում չկա պատիժ, հանցագործությունները շարունակվելու են: Եվ նախեւառաջ պետք է լինի պատիժ` մարդկանց խեղելու համար, բայց այսօր իշխանության կողմից հնչում է հայտարարություն, թե կարող էինք պատերազմը կանգնեցնել... Այսինքն` 10 հազար երեխու գլո՞ւխն էր ավել, որ ուղարկեցիք մորթվելու:

– Ի դեպ, Առողջապահության նախարարությունը հաղորդագրություն էր տարածել, թե նախարար Անահիտ Ավանեսյանի հանձնարարությամբ` Քովիդ-19-ի հետեւանքով ավելցուկային մահերի վերաբերյալ ԱՀԿ հերթական զեկույցի` Հայաստանի վերաբերյալ տվյալները ենթարկվել են վերլուծության եւ փաստվել է, որ Քովիդ-19-ի հետեւանքով մահացության հաշվարկման տեխնիկական աշխատանքային խմբի զեկույցում ներկայացված` համավարակի առաջին 2 տարիների ընթացքում 100 հազար բնակչության համար մոտ 650 մահվան բարձր ցուցանիշն ուռճացված է, քանի որ այն արտացոլում է ոչ միայն երկրում համավարակով պայմանավորված, այլեւ պատերազմի ու դրա հետեւանքով արձանագրված մահերը: Ի վերջո, ինչպե՞ս կարող էին պատերազմում զոհվածներն ու կորոնավիրուսից մահացածները հայտնվել մի ցուցակում ու հայտնվեին ԱՀԿ զեկույցում:

– Իսկ ինչպե՞ս կարող էին պատերազմից զոհվածների դիերը հայտնվել նկուղում, որդը կերած պարկերի մեջ: Իհարկե, սա էլ է կազմակերպված:

– Բայց Ձեր նշած դեպքի հետ կապված` առողջապահության նախարար Անահիտ Ավանեսյանը ներողություն խնդրեց...

– Եթե իր երեխաներին Նիկոլն ուղարկի, որ թուրքը մորթի, օրգանները հանի, հետո բերեն եւ ամիսներ շարունակ պարկերի մեջ թողնեն, անգամ սառնարանում չպահեն, այլ դնեն իրար վրա նկուղի հատակին ու այդքանից հետո` իրենից ներողություն խնդրեին, կներե՞ր: Այսպես եմ ասում, որ հասկանա ծնողների ցավը: Ինչ վերաբերում է ԱՀԿ-ին մեղադրելուն, համոզմունք ունեմ, որ Առողջապահության նախարարության հայտարարությունն ուղղված էր ընդամենը ներքին լսարանին: Իրենք ոչ էլ ԱՀԿ-ին մեղադրել են, այլ գլուխները կախ, չասեմ ինչ կերած շան նման, երեւի ԱՀԿ-ից ներողություն են խնդրել եւ ասել են, որ կշտկեն: Իսկ այս իրավիճակի պատճառը երկուսն է եղել. առաջին` ցույց տալ քովիդից մահերի մեծ թիվ եւ, իհարկե, դրա համար ստանալ մեծ գումարներ եւ երկրորդ` ցույց տալ պատերազմի զոհերի քիչ թիվ: Այսինքն` երկու կողմից էլ շահումով են դուրս եկել: Սրանք մարդ չեն, անգամ այլմոլորակային չեն, այլ դեգրադացիայի նվազագույն ամենաստոր աստիճանի վրա վխտացող ճիճուներ են: Ճիճուն անգամ իրենցից ավել շատ բարոյականություն ունի:

ՀՐԱՆՏ ՍԱՐԱՖՅԱՆ