Ինչպես պատերազմում զոհվածները հայտնվեցին կորոնավիրուսից մահացածների ցանկում

Օրեր առաջ Ֆրանսիայի հրապարակի ընդդիմադիր հարթակից ԱԺ փոխնախագահ, ՀՅԴ Հայաստանի ԳՄ ներկայացուցիչ Իշխան Սաղաթելյանը տեղեկացրեց, որ Առողջապահության համաշխարհային կազմակերպությունը (ԱՀԿ) հերթական իր զեկույցում ահազանգել է այն մասին, որ Հայաստանում կորոնավիրուսի հետեւանքով ավելցուկային մահերի տվյալներն ուռճացված են: Ըստ Սաղաթելյանի` պարզվել է, որ օրվա իշխանությունները պատերազմում զոհված տղաներին ներկայացրել են` որպես կորոնավիրուսից մահացածների: Առողջապահության նախարարությունն էլ շտապեց մեղքը բարդել հենց ԱՀԿ-ի վրա` տարածելով հաղորդագրություն, թե նախարար Անահիտ Ավանեսյանի հանձնարարությամբ` COVID-19-ի հետեւանքով ավելցուկային մահերի վերաբերյալ ԱՀԿ հերթական զեկույցի` Հայաստանի վերաբերյալ տվյալները ենթարկվել են վերլուծության ու փաստել, որ COVID-19-ի հետեւանքով մահացության հաշվարկման տեխնիկական աշխատանքային խմբի զեկույցում ներկայացված` համավարակի առաջին 2 տարիների ընթացքում 100 հազար բնակչության համար մոտ 650 մահվան բարձր ցուցանիշն ուռճացված է, քանի որ այն արտացոլում է ոչ միայն երկրում համավարակով պայմանավորված, այլեւ պատերազմի ու դրա հետեւանքով արձանագրված մահերը: Ի վերջո, ո՞րն է իրականությունը, եւ ո՞վ է մեղավոր, «Իրավունք TV»-ի տաղավարում պարզեցինք «Մեկ առողջություն» կոալիցիայի ղեկավար ԳՐԻԳՈՐ ԳՐԻԳՈՐՅԱՆԻ տեսակետը:

– Նախ պետք է ասեմ, որ թվերի հետ մանիպուլիացիան նոր երեւույթ չէ: Երբ 2018-ին մեր երկրի իշխանությունը փոխանցվեց այս հայրենադավ խմբավորմանը, մանավանդ վարակիչ հիվանդությունների ոլորտում շատ արագ թափ սկսեց հավաքել զանազան վարակիչ հիվանդություններից մահերի մանիպուլատիվ մոտեցումը: Այն ժամանակ դեռ կորանվիրուս չկար, կային այլ հիվանդություններ: Ցավոք, այն, ինչ մնացել է երբեմնի Առողջապահության նախարարությունից, այդ հիմնարկությունն իրեն իրավունք էր վերապահել ցանկացած տեղեկատվություն ներկայացնել եւ մեկնաբանել` ըստ այն ցուցումների, որոնք ստանում էին իրենց հովանավորներից կամ նրանցից, ովքեր եղանակ էին թելադրում Հայաստանում: Օրինակ` նույն ԱՀԿ-ից եւ տարբեր այլ միջազգային ֆոնդերից եւ կազմակերպություններից: Այս մասին խոսվել է նաեւ մինչեւ պատերազմի սկիզբը, որ առողջապահության ոլորտի պատասխանատուները առանց որեւիցե խղճի կամ ամոթի զգացողության` բացեիբաց մոլորեցնում եւ խաբում էին մեր բնակչությանը: Ինչ վերաբերում է ձեր հարցին` իմանալով հայրենադավ խմբավորման առողջապահության համար պատաասխանատու ենթախմբավորման ղեկավարության ինձ համար գոնե լկտի պահվածքը եւ բացարձակ անաստված մոտեցումը` երկրում մեր բնակչության առողջության եւ բարեկեցության վերաբերյալ, կարող եմ ենթադրել, որ ի սկզբանե ուռճացված թվերի ներկայացումը եղել է հայկական կողմից: ԱՀԿ-ն երբեք իր հոժար կամքով չէր կարող ներկայացնել A ենթախմբում մահերը, B ենթախմբի տակ, որովհետեւ հարց է ծագում` ինչու են պատերազմից զոհված տղաների մահերը գումարվել, բայց, օրինակ, այլ հիվանդություններից մահերը չեն գումարվել: Ինչու է շեշտվում հենց պատերազմական զոհերի կոնտեքստը, մանավանդ, որ բոլորս ականատես էինք, թե ինչպես էին առանց որեւիցե մի ախտորոշման, ով փռշտում էր կամ` հազում, ասում էին` կորոնավիրուս է: Էլ չեմ ասում, թե կասկածելի պայմաններում որքան մարդ իր մահկանացուն կնքեց զանազան ու զարմանազան բժշկական հիմնարկներում: 

ՀՐԱՆՏ ՍԱՐԱՖՅԱՆ

Հ.Գ.- Հարցազրույցն ամբողջությամբ դիտեք տեսանյութում.

Այս թեմայով Ի՞նչ են քննարկել «Ուժեղ Հայաստան»-ի եւ «Հայաստան»-ի ղեկավարները Հերթական քաղաքական սպանությունը Իրանում Մինչեւ «ռոբոտների ապստամբությունը» մնաց մեկ քայլ Մարտուն Գրիգորյանի վերաբերյալ քրեական վարույթն ուղարկվել է դատարան ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով