Ե՞ս եմ հանցագործ, այ Հայրենիքի գող. Էդգար Ղազարյանը՝ Նիկոլ Փաշինյանին

Ֆրանսիայի հրապարակում ՍԴ աշխատակազմի նախկին ղեկավար, նախկին մարզպետ եւ Լեհաստանում ՀՀ նախկին դեսպան ԷԴԳԱՐ ՂԱԶԱՐՅԱՆՆ իր ելույթում ընդգծեց, որ հրապարակում ներկաներից անձնապես շատ քիչ մարդկանց է ճանաչում, բայց գիտի եւ զգում է, որ այստեղ եկող ամեն մի մարդ ամենակարեւորն է իր կյանքում, որովհետեւ օգնում է իրեն լուծելու իր կյանքի ամենակարեւոր խնդիրը՝ փրկել Արցախը եւ Հայաստանը։

 

«Ես ամեն օր գալիս եմ այստեղ, քանի որ բոլորս ունենք նույն կարգավիճակն ու ցանկությունը։ Մեզնից ոչ ոք միայնակ չի կարող Նիկոլ Փաշինյանին վռնդել իշխանությունից եւ հանրային կյանքից, բայց մենք միասին կարող ենք։ Հիմա պետք մեկտեղենք մեր ջանքերն ու կարողությունը։ Ատելության մթնոլորտ կա այսօր Նիկոլ Փաշինյանի հանդեպ, քանի որ բոլորն են հասկանում, որ նա պատուհաս է դարձել հայ ժողովրդի գլխին, նա հայ ժողովրդի ամենամեծ թշնամին է»,-ասաց նա։

 

Էդգար Ղազարյանն իր ելույթի ժամանակ Նիկոլ Փաշինյանին անվանեց հայրենիքի գող․ «Դու գողացել ես մեզնից մեր հայրենիքն ու երազանքները, մեր ապրած կյանքն ու մեր երեխաների ապագան, ու դեռ դո՞ւ ես ուզում մեզ հանցագործ անվանել։ Դու վախեցիր այն պատժից, որ ստանալու ես պատերազմը տանուլ տալու, այն դադարեցնելու առաջարկները մերժելու, ականապատ դաշտերի քարտեզները տալու և շատ այլ բաներ համար»։

 

Մանրամասն՝ կից տեսանյութում․