Առանց ստիպելու՝ Նիկոլ Փաշինյանը չի հեռանա. Մկրտիչ Մինասյան

ԱԺ մի քանի գումարման ՀՀԿ խմբակցության նախկին պատգամավոր ՄԿՐՏԻՉ ՄԻՆԱՍՅԱՆԻ գնահատմամբ`  լաոն արդեն արթնացել է: «Իրավունքի» հետ զրույցում նա ասաց, որ ժողովուրդը համոզվել է` իշխանության խոսքերում ճշմարտության տարր անգամ չկա: 

– Ականջահաճո խոսքերով խաբել են ժողովրդին: Իսկ ճշմարտությունն այն է, որ ինչքան շուտ նրանք հեռանան իշխանությունից, այնքան շուտ ազգային, պետական հարցերը լուծում կստանան: Այսօր ամեն ինչ հայտնվել է քաոսի մեջ, որի պատճառը ոչ թե ընդդիմության` փողոցում իրականացվող միջոցառումներն են, այլ հենց Նիկոլ Փաշինյանն է ու իր թիմը, որոնք չգիտեն պետականությունն ինչ է եւ բացի խոստումներից, ուրիշ ոչինչ չեն կարողանում անել: Հուսով եմ, որ ճշմարտությունը կհաղթի, ժողովրդի պահանջը իրականություն կդառնա: Միայն մի բան եմ խնդրում, որ ամեն ինչ լինի խաղաղ ճանապարհով:

– ՀՀ առաջին նախագահ Լեւոն Տեր-Պետրոսյանը, որպես իրավիճակի հանգուցալուծում, առաջարկում է, որ  Նիկոլ Փաշինյանը, Ռոբերտ Քոչարյանը եւ Սերժ Սարգսյանը նստեն մեկ սեղանի շուրջ եւ ներքաղաքական ճգնաժամից դուրս գալու ելք գտնեն: Ի՞նչ կասեք այս մասին:

– Մի անգամ իմ հարցազրույցներից մեկում հղում եմ արել Լեւոն Տեր-Պետրոսյանի այն մտքին, որ Նիկոլ Փաշինյանն ազգային պատուհաս է, եւ ազգն իրեն չի ներելու, եւ ասել եմ, որ իսկապես, ճիշտ է: Սակայն, ասօր ինչ-ինչ պատճառներից ելնելով կամ ինչ-ինչ կենտրոններից նոր հրահանգներ ստանալով` ըստ երեւույթին, Լեւոն Տեր-Պետրոսյանը փոխել է իր կարծիքը: Ափսոսում եմ, որ այդ տարիքի եւ այդքան մեծ փորձառություն ունեցող պետական գործիչը պաշտպանում է մեկին, որը ո՛չ պետական է, ո՛չ քաղաքական, այլ խաբկանքի իշխանություն ձեւավորող մարդ է: Հույս ունեմ, որ «ձայն բազմաց, ձայն Աստծո» կարգախոսն այս դեպքում կյանքի կկոչվի: Լաոն զարթնել է եւ իր ժողովրդի համար պետք է կատարի նոր ընտրություն: Այսինքն` նախ սրան հեռացնել, ապա Սահմանադրության պահանջին համապատասխան` հենց նույն այս պառլամենտում հնարավոր է ուժերը համախմբել, նոր ազգային փրկության կառավարություն ձեւավորել` մինչեւ ժամանակը կգա, եւ կլինեն նոր ընտրություններ: Որ պետք է սա գնա, փաստ է, եւ այն բխում է ոչ միայն մեր հանրապետության եւ Արցախի, այլեւ ամբողջ հայ ժողովրդի շահերից: Որովհետեւ, եթե այսպես շարունակվի, կորցնելու ենք նաեւ Հայաստանը:

– Ընդդիմադիր հարթակից հայտարարվեց, որ Նիկոլ Փաշինյանին հեռացնելուց հետո ձեւավորվելու է ազգային համաձայնության/ժամանակավոր կառավարություն: Ո՞ւմ եք տեսնում գործադիրի ղեկին:

– Ես ինձ չեմ համարում այն մարդը, որ պետք է այդպիսի կանխատեսումներ անի, բայց որպես սկզբունք` պետք է լինի անաչառ մեկը եւ իր աշխատանքով ապացուցած, որ կարողություն ունի աշխատելու, պետական մտածողություն ունի, վերլուծող է եւ կառավարման արվեստին տիրապետող: Եվ անպայման պետք է լինի արհեստավարժների կառավարություն: Մենք ունենք նախկինում աշխատած լավագույն փորձ ունեցող անձինք, որոնք կարող են տարբեր բնագավառներում աշխատել: Նույնիսկ նախկին վարչապետները` Հրանտ Բագրատյանը, Վազգեն Մանուկյանը եւ այլք, կարող են ինչ-որ բնագավառներ ղեկավարել կամ գոնե գլխավոր խորհրդականներ լինել, որպեսզի կառավարությունը կարողանա, առավելագույնս նախկինի փորձը օգտագործելով, նոր պահանջների համապատասխան դրսեւորումները վերլուծելով, կառավարություն ձեւավորել: Այս անունները, որ տվեցի, ընդամենը որպես օրինակ եմ բերում: Նկատի ունեմ բոլոր այն մարդկանց, ովքեր իրենց դրսեւորել են որպես բանիմաց եւ պետական մտածողությամբ` նրանց ուժերը պետք է օգտագործել: Նաեւ հրաշալի երիտասարդներ են հայտնվել հրապարակում, նրանց ուժերը նույնպես պետք է օգտագործել: Կյանքը շարունակվում է եւ անպայման երիտասարդները պետք է փոխարինեն փորձառու մարդկանց:

– Հավատո՞ւմ եք, որ նույն տեխնոլոգիաներով, ինչպես Նիկոլ Փաշինյանը եկավ իշխանության, այդպես էլ հնարավոր լինելու է հեռացնել նրան:

– Սա է պայքարելու սահմանադրական ճանապարհը, բայց, իհարկե, պայքարի նոր գործիքակազմի մասին էլ պետք է մտածել: Ժողովուրդը պետք է հասկանա, որ ուրիշ ճանապարհ չկա, մինչեւ ստիպված չլինեն հեռանալ: Առանց ստիպելու` Նիկոլ Փաշինյանը չի հեռանա: Բայց պիտի խնդրեմ Աստծուն, որ եթե հնարավոր է, անարյուն տեղի ունենա: Չի բացառվում, որ ազգի պատուհասը նաեւ վերջին օրերին էլի պատուհաս կդառնա մեր ազգի գլխին: Եթե Աստված գոնե պայածառացնի մի պահ իր միտքը, կարող է քայլ անել եւ ասել` ինչ արել, արել եմ, բայց գոնե վերջին քայլն իմ պետության եւ ազգի նկատմամբ ճիշտ կատարեմ: 

ՀՐԱՆՏ ՍԱՐԱՖՅԱՆ

Այս թեմայով Ռուսաստանի հետ մեր հարաբերությունները անխուսափելիորեն փոխվելու են․ Փաշինյան Որ խելքներդ չի հասնում, ծպտուն մի հանեք․ ԲԱՄԲԱՍԱՆՔ «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը «Իրավունք». «Որ խելքներդ չի հասնում, ծպտուն մի հանեք». Փաշինյանն օդերով է հանել նորելուկ պատգամավորներին Հայկ Սարգսյանի համար Փաշինյանի մոտ բարեխոսել ե՞ն․ ԲԱՄԲԱՍԱՆՔ