ԱՄՆ-ն Ուկրաինայում զանգվածային սպանություններ է նախապատրաստում քիմիական զենքի կիրառմամբ. ԱՄՆ-ում ՌԴ դեսպանատուն

ԱՄՆ-ում Ռուսաստանի դեսպանատունը, փոխնախարար Բոնի Ջենքինսի հայտարարությունների ֆոնին` Ռուսաստանի կողմից չհայտարարված քիմիական զենքի ենթադրյալ տիրապետման և Ուկրաինայում դրա կիրառման հնարավորության մասին, Վաշինգտոնին կոչ է արել հրաժարվել սադրանքներից, որոնք կարող են հանգեցնել Ուկրաինայի տասնյակ հազարավոր քաղաքացիների մահվան։.

«Newsweek»-ի համար գրած Ջենկինսի հոդվածում ասվում է, որ «որոշ երկրներ պահպանում են անօրինական հարձակողական քիմիական զենքի ծրագրեր՝ խախտելով իրենց միջազգային պարտավորությունները»: Ջենկինսի խոսքով՝ Ռուսաստանը իբր կարող է քիմիական զենք կիրառել Ուկրաինայում։

«Ուշադրություն հրավիրեցինք մեր հասցեին հնչած հերթական անհեթետ մեղադրանքների վրա, որոնք հնչեցրեց Պետքարտուղարի տեղակալ Բ.Ջենկինս: Մեզ ևս մեկ անգամ անհիմն կերպով վերագրում են չհայտարարված քիմիական զենքի առկայությունը և դրա կիրառումը…

Մենք կոչ ենք անում Վաշինգտոնին փոխել իր կարծիքը և զերծ մնալ սադրանքներից, որոնք կարող են հանգեցնել տասնյակ հազարավոր Ուկրաինայի քաղաքացիների մահվան, բնապահպանական և հումանիտար աղետի պատճառ դառնալ», - ասվում է դեսպանատան Telegram ալիքում։

Դեսպանատունը նշում է, որ, ընդհակառակը, ՌԴ ՊՆ-ն իր տրամադրության տակ է ստացել «անհերքելի տեղեկատվություն` Միացյալ Նահանգների կողմից սադրանքներ նախապատրաստելու մասին՝ նպատակ ունենալով մեղադրել Ռուսաստանի Զինված ուժերին` Ուկրաինայում զանգվածային ոչնչացման զենք կիրառելու մեջ»։

Միևնույն ժամանակ, Պետդեպարտամենտն արդեն որոշել է «հետաքննության» կարգը և դրա անցկացման համար պատասխանատու պաշտոնյաներ նշանակել»,- ասվում է հաղորդագրությունում։

ՌԴ ՊՆ-ն ավելի վաղ հայտնել էր, որ ԱՄՆ-ը սադրանքներ է նախապատրաստում` ռուս զինվորականներին Ուկրաինայում քիմիական, կենսաբանական կամ մարտավարական միջուկային զենք կիրառելու մեջ մեղադրելու համար։

Սադրանքների սցենարներից մեկը, որը Արևմուտքը նախատեսում է օգտագործել Ուկրաինայում` Ռուսաստանին մեղադրելու համար, կարող է լինել Սլավյանսկ և Կրամատորսկ քաղաքներում զանգվածային ոչնչացման զենքի բացահայտ օգտագործումը։