Ոստիկանությունն արդեն դպրոցում է․ Արամ Գևորգյանը՝ զոհվածի մոր վրա հարձակման դեպքի մասին

Քիչ առաջ 166 դպրոցի տնօրենի հետ զրուցեցի։ Տիկին Քուշկյանն ասաց, որ ոստիկանությունն արդեն դպրոցում ա, դրանց գտել են, ծնողների հետ քիչ հետո կտեղափոխեն բաժին, գրել է Արամ Գևորգյանը։

«Ինքն էլ շատ վրդովված էր էս դեպքի հետ կապված, պարզապես ի պաշտոնե պարտավորված է զսպվածություն ցուցաբերել որպես տնօրեն։ Ինքը տիկին Լիդային էլ շատ լավ ճանաչում, Դավիթին էլ կարծեմ դաս է տվել։ Մի քանի ամիս առաջ էլ Դավիթին ու դպրոցի անմահացած տղերքին նվիրված մեծ ու գեղեցիկ հուշ-ցերեկույթ էին կազմակերպել։

Դպրոցի հետ ոչ մի խնդիր չկա։ Ինչպես արդեն ասել եմ՝ այդ դպրոցում սովորել է նաև Դավիթը, պարզապես այդ անդաստիարակներին ավելի արագ իդենտիֆիկացնելու համար պետք է նշվեր, թե որ դպրոցի 9-րդ դասարանի սաներ են։ Լրատվականների ընկերներիս էլ կխնդրեմ, որ դրա հետ կապված դպրոցը չթիրախավորվի։

Հավելյալ ինֆորմացիա ունենալու դեպքում էլ տեղյակ կպահեմ, հուսանք ոստիկանությունն էլ հանդես կգա հայտարարությամբ, երբ ամեն ինչ պարզած կլինի»,- նշել է նա։

Ֆեյբուքյան օգտատերերն էլ նշում են․

«ԱՐՑԱԽԻ ՀԵՐՈՍ ԴԱՎԻԹ ԱՌՈՒՇԱՆՅԱՆԸ կյանքը զոհեց հանուն հայրենիքի, տիկին Լիդան կորցրեց որդուն, բայց նա մենակ չէ: Նրանց ընտանիքի թիկունքին կանգնած է ամենամաքուր, ամենանվիրական հայ ժողովուրդը:

Դավոն կյանքը զոհեց, որ այսօր անչափահաս լակոտներ դանակով հարձակվեն նրա ալեհեր մոր վրա, սա է՞ր ապագան: Հետևողական ենք լինելու, պատժվելու եք, չեմ ասում օրենքի, օրենք չկա, մեր ողջ խստությամբ պատժվելու եք:

Կարդացեք նաև՝ «Դանակով զինված 9-րդ դասարանցի աղջիկը հարձակվել է Արցախի հերոս Առուշանյան Դավիթի մոր վրա»