Սիփան Փաշինյանը սպառնո՞ւմ է

Տևական ժամանակ է, ինչ լուրեր են պտտվում այն մասին, որ «Տավուշ տեքստիլ» կարի ֆաբրիկայի աշխատակիցները բողոքում են:

Ինչպես ավելի վաղ տեղեկացանք` հարկային արտոնությունների դաշտում, հարկային պարտավորություններից ազատված ընկերությունն ամենացածր աշխատավարձով աշխատացնում է սահմանամերձ գոտու բնակիչներին, իսկ հիմա էլ օգոստոս ամսվա աշխատավարձից պահումներ է արել ու հայտարարել, որ վեց ամիս առանց աշխատավարձ են աշխատելու, որովհետեւ օգոստոս ամսվա ՌԴ երկու ֆուռ արտադրական ձեռնոց ուղարկած ապրանքն իբր «բռակ» է եղել:

Օդում կախված լուրերի համաձայն` ԱԺ պատգամավոր Սիփան Փաշինյանը, որը նաև հանդիսանում է ՀՀ վարչապետ Նիկոլ Փաշինյանի եղբորորդին, ինչ-ինչ անհասկանալի կապերի մեջ է «Տավուշ տեքստիլ» կարի ֆաբրիկայի արտասահմանյան ղեկավարների հետ:

Շրջանառվող ասեկոսների համաձայն` Սիփան Փաշինյանն է «Տավուշ տեքստիլ»-ում հարցեր լուծողը:

Մեր տեղեկություններով` Սիփան Փաշինյանը լսելով շրջանառվող լուրերն այն մասին, թե ինչպես են «Տավուշ տեքստիլ»-ի աշխատակիցները դժգոհում, հայտարարել է, որ եթե աշխատակիցները շարունակեն բողոքել, ապա «Տավուշ տեքստիլ» կարի ֆաբրիկան կտեղափոփեն Տաջիկստան, և աշխատակիցները կմնան գործազուրկ:

Թե ինչն է ստիպել Սիփան Փաշինյանին նման հայտարարություններ անել, և ինչ հիմքերով, մեր աղբյուրին պարզել չի հաջողվել:

Ա. Ավագյան