ՀՅԴ-ն պահանջում է Արման Բաբաջանյանից մամուլի ասուլիս հրավիրել եւ ներողություն խնդրել

Երեւան քաղաքի առաջին ատյանի ընդհանուր իրավասության դատարանում հետաձգվել է ՀՅԴ հայցի քննությունն ընդդեմ ԱԺ պատգամավոր Արման Բաբաջանյանի:

Հիշեցնենք, որ դեռեւս նախորդ տարի Ա. Բաբաջանյանն իր ելույթում ՀՅԴ-ին անվանել էր «ահաբեկչական անցյալով հայտնի ուժ, որը հիմա էլ որոշել է պարտիզանական մարտեր մղել պետության դեմ»: Վերոնշյալի համար ՀՅԴ-ն պահանջում է պատգամավորից վիրավորանքի համար հրապարակային ներողություն խնդրել եւ զրպարտության համար վճարել խորհրդանշական մեկ ՀՀ դրամ` որպես փոխհատուցում: Սակայն նշենք, որ մեր տեղեկություններով` դատարանը հետաձգել է նիստը` բավարարելով հայցվոր կողմի ներկայացուցչի միջնորդությունը` հայցի առարկայի եւ հիմքերի փոփոխություն թույլատրելու վերաբերյալ:

ՀՅԴ-ականները խնդրում են դատարանից Արման Բաբաջանյանին պարտավորեցնել իր ֆեյսբուքյան պաշտոնական էջով ուղիղ եթերում ներողություն խնդրել, իսկ դրա անհնարինության առաջանալու դեպքում` պարտավորեցնել պատասխանողին` գործով դատարանի վճիռն օրինական ուժի մեջ մտնելուց հետո` հինգ օրացուցային օրվա ընթացքում հրավիրել մամուլի ասուլիս եւ ՀՀ ողջ տարածքում հեռարձակվող հեռուստատեսային ալիքների առնվազն թվով չորս լրագրողների ներկայությամբ ներողություն խնդրել ՀՅԴ-ից` հնչեցված վիրավորական արտահայտությունների համար։

ՀՐԱՆՏ ՍԱՐԱՖՅԱՆ

Այս թեմայով Քաղաքացին կկարողանա գործնական քննությունը հանձնել իր նախընտրած Հաշվառման-քննական բաժնում՝ անկախ հանգամանքից, թե որտեղ է հանձնել տեսականը․ ՆԳ նախարար Պետք է հիմա ժողովրդին ցույց տան, որ անխնա պայքար է կոռուպցիայի դեմ. ԲԱՄԲԱՍԱՆՔ Ոչ թե ես եմ մարդ առևանգել, այլ ՀՀ-ում պետական պաշտոնյաների աթոռներին նստած հանցավոր խումբն է ինձ առևանգել. Սուրեն Մանուկյան Մարդիկ որոշել են, որ իրենց կարելի է փողով առնել․ Հայկ Բաբուխանյանը՝ Բաբաջանյան-Խզմալյան-Սաքունց թևի մասին (տեսանյութ) Հայաստանը պասիվ դիտորդ է դարձել սեփական ճակատագրի վերաբերյալ գործընթացներում. Արման Դանիելյան