34-ամյա ընդմիջումից հետո Սունդուկյանի «Պեպոն» կրկին Մայր թատրոնի բեմում է

Մեկ տարի հանդիսատեսի ծափերին կարոտ Գ. Սունդուկյանի անվան ազգային ակադեմիական թատրոնը երեկ վայելեց բուռն ծափեր ու բրավոներ: Վերանորոգումից հետո թատրոնն իր խաղաշրջանը բացեց Գ. Սունդուկյանի «Պեպո» ներկայացումով, որն ըստ թատրոնի գեղարվեստական ղեկավար, ներկայացման բեմադրիչ Արմեն Էլբակյանի ժամանակակից «Պեպո» է. «Ժամանակակից լուծումներով հանդերձ` իմ «Պեպոյի» ասելիքը նույնն է՝ յուրաքանչյուրն այս աշխարհում պատասխան է տալիս իր խղճի առաջ: Արդարությունն ի վերջո պիտի՛ հաղթի»:

Ի դեպ, ներկայացման առաջնախաղին ներկա էր նաեւ ՀՀ նախագահ Սերժ Սարգսյանը, ՀՀ մշակույթի նախարար Արմեն Ամիրյանը եւ մշակույթի գրեթե բոլոր ներկայացուցիչները:

 Այսուհետ Սունդուկյանի հանդիսատեսը ներկայացումները կդիտի լուսային եւ ձայնային տեխնիկայով վերազինված, ինչպես նաեւ նախկին չոր ու հնամաշ աթոռների փոխարեն` հարմարավետ աթոռներին նստած:

1922 թվականի հունվարին Սունդուկյանի անվան թատրոնի վարագույրն առաջին անգամ բացվեց «Պեպո» ներկայացմամբ, որից հետո`1982 թվականին Խորեն Աբրահամյանի բեմադրած «Պեպոն» մայր թատրոնի բեմում ներկայացվեց առաջին ու վերջին անգամ: Ներկայացումը գլխավոր փորձից հետո փակվեց, քանի որ  Խորեն Աբրահամյանի պեմադրած «Պեպոն» ժամանակից առաջ էր ընկել և իր ժամանակի մեջ չընկալվեց: Շուրջ 34-ամյա ընդմիջումից հետո Սունդուկյանի «Պեպոն» կրկին գրողի անունը կրող թատրոնի բեմում է:

Առավել մանրամասն` տեսանյութում.

ԼԻԼԻԹ ԵՂԻԱԶԱՐՅԱՆ

Այս թեմայով Էրդողանը մեկնել է Ադրբեջան՝ մասնակցելու «Հաղթանակի օրվա» միջոցառումներին Արքայատոհմի ծագումը դեռևս ժողովրդի ծագում չէ. Արմեն Հովասափյան Քննչական կոմիտեի նախագահի հայտարարությունը նույնպես հուշում է՝ Նիկոլի կամոք Մուսաեւը կարտահանձնվի Ադրբեջանին Ինչպե՞ս պետք է քաղաքացին վստահի ՍԴ-ի անաչառությանը, երբ դրա նախագահ է դառնում ՔՊ նախկին պատգամավորը Ինչո՞ւ է ընդհատվել «Գայանե» բալետի ներկայացումը․ հանդիսատեսը վրդովված է