«ԿԱՆ ՍՓՅՈՒՌՔԱՀԱՅ ԵՐԵԽԱՆԵՐ, ՈՎՔԵՐ ԲԱՑԻ «ԲԱՐԵՎ»-ԻՑ, ԱՅԼ ԲԱՌ ՉԳԻՏԵՆ»
Արխիվ 12-16
«ԿԱՆ ՍՓՅՈՒՌՔԱՀԱՅ ԵՐԵԽԱՆԵՐ, ՈՎՔԵՐ ԲԱՑԻ «ԲԱՐԵՎ»-ԻՑ, ԱՅԼ ԲԱՌ ՉԳԻՏԵՆ»
ԲՀԿ առաջնորդ Նաիրա Զոհրաբյանը Սփյուռքի նախարար Հրանուշ Հակոբյանին հարց ուղղեց` արտերկրում ապրող մեր հայրենակիցների ուծացման մասին: «Բացարձակ ուծացում է գնում: Բացի «բարեւ»-ից, դրսում ապրող երեխաները այլ բառ չգիտեն: Հեռավոր մեր համայնքները նաեւ ստրատեգիական նշանակություն ունեն, բայց այդ համայնքներում Ադրբեջանն ակտիվ հակահայ քարոզչություն է իրականացնում»,- հայտարարեց ԲՀԿ առաջնորդը:
Հրանուշ Հակոբյանը համամիտ լինելով Նաիրա Զոհրաբյանին` ասաց. «Դա բարդ խնդիր է, որը ծառացած է Սփյուռքի առջեւ: 8.000.000 հայերից քչանում է հայերեն խոսողների թիվը, պակասում է հայկական դպրոցների այցելուների թիվը, քանի որ դրսում ապրող մեր հայրենակիցները ցանկանում են, որ իրենց երեխաները որակյալ կրթություն ստանան»,- ասաց գործադիր մարմնի ներկայացուցիչը:
Հրանուշ Հակոբյանը թվարկեց այն քայլերը, որոնք արվում են, եւ հավաստիացրեց` փորձում են հնարավոր բոլոր ձեւերով արտերկրում ապրող մեր հայրենակիցներին փրկել ուծացումից: Նախարարն այս առումով կարեւոր համարեց «Արի տուն» ծրագիրը, ապա հորդորեց բյուջեի ֆինանսավորումն ավելացնել` այս ծրագիրն ավելի մեծ մասշտաբով կյանքի կոչելու համար:
ՍՈՆԱ ԴԱՎԹՅԱՆ
1
7719 դիտում
2
3726 դիտում
3
3326 դիտում
4
3116 դիտում
5
2993 դիտում
