ՌՈԲԵՐՏ ՆԱԶԱՐՅԱՆԸ`ՀՈՍԱՆՔԻ ԹԱՆԿԱՑՄԱՆ ԲՈՂՈՔԻ ՄԱՍԻՆ. «ԴԵ ԵԹԵ ՀԱՄԱՏԱՐԱԾ ՉՎՃԱՐԵՆ, ԴԵ ՄԻ ՎՃԱՐԵՔ»

ՌՈԲԵՐՏ ՆԱԶԱՐՅԱՆԸ`ՀՈՍԱՆՔԻ ԹԱՆԿԱՑՄԱՆ

ԲՈՂՈՔԻ ՄԱՍԻՆ. «ԴԵ ԵԹԵ ՀԱՄԱՏԱՐԱԾ ՉՎՃԱՐԵՆ, ԴԵ

ՄԻ ՎՃԱՐԵՔ»

Փոքր ՀԷԿ-ի միության նախագահ Նաիրա Նահապետյանն «Իրավունքի» հետ զրույցում հայտարարել էլ, որ ինքը եւս դեմ է հոսանքի թանկացմանը: Մինչդեռ ՀԾԿՀ նախագահն այսօր հայտարարեց, որ  էլեկտրաէներգիայի շուկայի բոլոր մասնակիցները  հոսանքի գնի բարձրացման հայտ են ներկայացրել:  «Իրավունքը» պրն Նազարյանին հիշեցրեց այդ հայտարարության մասին,  սակայն Նազարյանը խորհուրդ տվեց  այդ հարցն ուղղել Նաիրա Նահապետյանին. «Գնացեք, նրանց հարցրեք, ինչի է էդպես ասել»:

Հակադարձեցինք Նազարյանին` հիշեցնելով նրա այն հայտարարությունը, թե բոլոր կայանները հոսանքի գնի թանկացման հայտ են ներկայացրել: ՀԾԿՀ նախագահը, սակայն, անարձագանք թողեց մեր հակադարձումը:

Ինչ վեչաբերում է լրագրողների այն հարցին, թե սոցիալական բունտ է հասունանում,  մարդիկ գուցե չվճարեն թանկ հոսանքի համար, Նազարյանի խոսքով`այն չափով, ինչ չափով կբարձրանա հոսանքի սակագինը, կառավարությունը, հավանաբար, կգտնի  միջոցներ` սուբսիդավորելու սոցիալապես անապահով խավերին:

Հարցին՝ ազգաբնակչության մեծ մասը տրամադրված է չվճարելուն, Նազարյանն ասաց. «Ախր ինչի պետք է ես այդ հարցին պատասխանեմ: Դե եթե համատարած չվճարեն, դե մի վճարեք, դա ձեր իրավունքն է»:

ՀԾԿՀ  նախագահն ասաց, որ ինքը կանի ամեն ինչ, որպեսզի թե՛ այսօր, թե՛ վաղը  սերունդների առաջ չամաչի:

Սպասենք եւ հուսանք:

ՍՈՆԱ ԴԱՎԹՅԱՆ