ՎԻՐԱՀԱՅ ԵՐԻՏԱՍԱՐԴՆԵՐԻ ՊԱՏԱՍԽԱՆ ԱԿՑԻԱՆ` Ի ՀԵՃՈՒԿՍ «ԵՀՈՎԱՅԻ ՎԿԱՆԵՐԻ»

ՎԻՐԱՀԱՅ ԵՐԻՏԱՍԱՐԴՆԵՐԻ ՊԱՏԱՍԽԱՆ ԱԿՑԻԱՆ` Ի ՀԵՃՈՒԿՍ «ԵՀՈՎԱՅԻ ՎԿԱՆԵՐԻ»

«Իրավունքը» բազմիցս անդրադարձել է, որ երեւանյան փողոցներում վերջին շրջանում խիստ ակտիվացել են «Եհովայի վկաները» ու գիրք նվիրելու անվան տակ բացահայտ քարոզչություն են իրականացնում: Այս երեւույթի դեմ պայքարը, թեպետ շարունակում է ուշանալ պատկան մարմինների կողմից` օբյեկտիվ եւ սուբյեկտիվ պատճառներով, սակայն օր օրի սա ավելի մասշտաբային խնդիր է դառնում: Պարզվում է, որ հիմա էլ նրանք նույնպիսի քարոզչությամբ սկսել են «գրոհել» նաեւ Վրաստանում: Արդեն մեկ շաբաթ է,ինչ քաղաքի կենտրոնում, «Խաս Բախչա» այգու հարևանությամբ, Սուրբ Խաչ եկեղեցու մոտակայքում «Եհովայի Վկաները Վրաստանում» կազմակերպության անդամները կանգնած են ցուցատախտակով, կրոնական գրականությամբ եւ գրքույկներով մարդկանց տեղեկացնում են իրենց կազմակերպության գաղափարախոսության եւ իբրեւ Աստվածաշնչի մասին: Սակայն, դրան ի պատասխան, մեր հայրենակիցները բոլորովին էլ չեն լռում ու կոնկրետ քայլեր են իրականացնում: Ախալքալաքի Խաս Բախչա այգու մոտ, «Եհովայի վկաների» ցուցատախտակով քարոզչության հարեւանությամբ Սուրբ խաչ եկեղեցու երիտասարդական թեւի անդամներն այս օրերին անցկացնում են Քրիստոնեական գաղափարախոսության բաց քարոզչություն: Այս մասին տեղեկացնում է նաեւ http://jnews.ge/ լրատվական կայքը. «Արդեն երկրորդ օրն է, ինչ Ախալքալքի Սուրբ խաչ եկեղեցու երիտասարդական թեւի անդամները անցկացնում են ճանաչողական ակցիա` ցուցապաստառներով, թերթոններով, տեղեկացնելով «Եհովայի վկաների» ուսմունքի մասին, բացատրելով մարդկանց քրիստոնեական սկզբունքների եւ «Եհովայի վկաների» գաղափարախոսության տարբերությունը եւ կոչ անելով Հայ Առաքելական եկեղեցու հավատացյալներին` անկոտրում լինել իրենց հավատքի հանդեպ եւ տարբերել քրիստոնեական սկզբունքները այլ ուսմունքներից»:

ՀՐԱՆՏ ՍԱՐԱՖՅԱՆ