ՌՈԲԵՐՏ ՆԱԶԱՐՅԱՆՆ ՈՒ ԻՐ ԿԻՆԸ` ՏՈԿՈՍՈՎ ՓՈՂ ՏՎՈՂՆԵ՞Ր

ՌՈԲԵՐՏ ՆԱԶԱՐՅԱՆՆ ՈՒ ԻՐ ԿԻՆԸ` ՏՈԿՈՍՈՎ ՓՈՂ

ՏՎՈՂՆԵ՞Ր

Հանրային ծառայությունները կարգավորող հանձնաժողովի նախագահ Ռոբերտ Նազարյանն մինչ հունիսի առաջին տասնօրյակը կհայտարարի, թե արդյոք բավարարում է ՀԷՑ-ի հայտը էլեկտրաէներգիայի սակագիը բարձրացնելու համար: Մինչ Ռոբերտ Նազարյանը կուսումնասիրի ՀԷՑ-ի 4000 էջանոց հիմնավորումը, «Իրավունքը» ներկայացնում է  ՀԾԿՀ նախագահի նախորդ տարվա հայտարագիրը:

ՀԾԿՀ նախագահն ու իր կինը` Սվետլանա Խառատյանը, նախորդ տարի հայտարարագրել է  միայն դրամական միջոցներ: Մասնավորապես` ՀԾԿՀ նախագահի դրամական միջոցները 2014 թ-ին կազմել են 9.000.000 մլն դրամ, 112.000.000 դոլար:

Ինչպես այլ պաշտոնյաներ, Ռոբերտ Նազարյանը եւս չի խուսափում, այսպես ասած, տոկոսով փող տալուց: Տրված փոխառությունների (վարկերի) դիմաց ստացված տոկոսը 2014 թ-ին  կազմել է  8300 դոլար:  Ընդհանուր առմամբ, պրն Նազարյանի եկամուտները  կազմել են 10,038,538 դրամ`փոխառություններից ստացված  հասույթը չհաշված:

Սվետլանա Խառատյանի հայտարարագիրը  պակաս հետաքրքիր չէ:  Նախորդ տարի Նազարյանի  կինը հայտարարագրել է 300,000  դոլար,  իսկ փոխառություններից ստացված հասույթը` 24,450 դոլար:

Հ.Գ. Դատելով Ռոբերտ Նազարյանի  կենսագրությունից` կարող ենք ասել, որ նա 1990-ից մինչ օրս եղել է պետական պաշտոնյա, բիզնես գործունեություն չի ծավալել, իր ծնողներից էլ ժառանգություն չի ստացել: Մի խոսքով`մեր մեջ ասած` ապրել է  «չոր» աշխատավարձով: Հետեւաբար, հարց է  առաջանում` ի՞նչ  ճանապարհով է իր դրամական միջոցները կուտակել ՀԾԿՀ նախագահը: Միգուցե, չի դիմացել  գայթակղությանը եւ ինչ-ինչ հարցերին դրական լուծում տալու համար կաշա՞ռք  է վերցրել:

Ի դեպ, տեղեկացնենք, որ նախորդ տարի «Իրավունքի» հետ զրույցում ՀԾԿՀ նախագահը  հայտարարել էր, որ էլեկտրաէներգիայի սակագինը բարձրացմանը նպաստում է նաեւ ՀԷՑ-ի անտաղանդ եւ ոչ օպտիմալ մենեջմենթը, Նազարյանը դրական պատասխան էր տվել` ասելով. «Այո, մենջեմենթն Էլ իր դերն ունի իհարկե»:

Մնում է սպասել` արդյոք այս անգամ եւս ՀԾԿՀ-ի նախագահը նման անկեղծ խոստովանությամբ հանդես կգա:

ՍՈՆԱ ԴԱՎԹՅԱՆ