ՓՈԽԱՐՏԳՈՐԾՆԱԽԱՐԱՐ. «ԵՄ-Ի ՀԵՏ ԳԻՏԱԿԱՆ ՀԱՄԱԳՈՐԾԱԿՑՈՒԹՅՈՒՆԸ ԿՆՊԱՍՏԻ ՆԵՐԴՐՈՒՄՆԵՐԻ ԱՃԻՆ»

ՓՈԽԱՐՏԳՈՐԾՆԱԽԱՐԱՐ.«ԵՄ-Ի ՀԵՏ ԳԻՏԱԿԱՆ

ՀԱՄԱԳՈՐԾԱԿՑՈՒԹՅՈՒՆԸ ԿՆՊԱՍՏԻ ՆԵՐԴՐՈՒՄՆԵՐԻ

ԱՃԻՆ»

Մայիսի քսաներկուսին Ռիգայում տեղի ունեցավ  Արեւելյան գործընկերության գագաթաժողովը, որին մասնակցում էր նաեւ Հայաստանը: Հանդիպումն ավարտվեց ԵՄ-ի հետ հռչակագրի ստորագրմամբ: Թե երբ կյանքի կկոչվեն հռչակագրում ամրագրված դրույթները, պարզեց«Իրավունքը» ԱԳ փոխնախարար Կարեն Նազարյանի հետ զրույցում:

- Պարոն Նազարյան, կարո՞ղ եք ասել, թե  երբ կոնկրետ կյանքի կկոչվեն  Հայաստան-ԵՄ հռչակագրի  դրույթները:

-Այն դրույթները, որոնք առնչվում են Հայաստանին կամ  ավելի ճիշտ` Հայաստան-ԵՄ հարաբերություններին, դրանք հետեւողական կերպով կյանքի կկոչվեն: Ինչ վերաբերում է  ժամանակացույցին, Ձեր հարցը հավանաբար   Հայաստան-ԵՄ բանակցությունների մեկնարկի մասին է, մենք սպասում ենք  ԵՄ-ի խորհրդի կողմից  մանդատի հաստատմանը: Դրանից հետո անմիջապես կմեկնարկեն բանակցությունները:

- Մանդատը Հայաստանը կստանա  ԵՄ 28 երկրի հավանությունը ստանալուց հետո միայն: Արդյոք  բոլորը  սեղմ ժամկետում  կտան իրենց համաձայնությունը:

- ԵՄ-ի անդամ բազմաթիվ երկրների կողմից  լսել ենք վերահաստատումներ եւ աջակցության կոչեր Հայաստան-ԵՄ հարաբերությունների հաստատման  ու սեղմ ժամկետներում  բանակցություններ  սկսելու համար:

- Հռչակագրում ամրագրված  «Horizon 2020»  ծրագիրը տնտեսական ո՞ր ոլորտներում է  նախատեսում  Հայաստան-ԵՄ համագործակցությունը:

- Հայաստան-ԵՄ  համագործակցություն ու խթանումը գիտության, ՏՏ-ի ու նորարարության ոլորտներում է լինելու:  ԵՄ-ի հետ պայմանագրի ստորագրումից հետո, կարծում եմ,   գիտական համայնքի աշխուժացում կլինի:

- Գիտության ոլորտի աշխուժացումը կնպաստի՞  Հայաստանում ԵՄ-ի ներդրումների ավելացմանը:

- Այո, քանի որ խոսքը վերաբերում է   գիտության ոլորտի աշխուժացմանը:

Մանրամասները` «ԻՐԱՎՈՒՆՔԻ» մայիսի  29-ի համարում:

ՍՈՆԱ ԴԱՎԹՅԱՆ