Թե ինչ կարծիք ունի Սյունիքի մարզպետն իր ավտոմեքենայի վրա արձակված կրակոցների մասին, ըստ նրա, ով կարող է կանգնած լինել դրանց ետեւում, փորձեցինք պարզել մարզպետիցª Սուրիկ Խաչատրյանից: Սակայն պարոն Խաչատրյանը խնդրեց մի քանի օրից զանգահարել իրեն, քանի որ այժմ նախաքննություն է ընթանում, եւ նա չի ցանկանում որեւէ կերպ խոչընդոտել կամ խանգարել նախաքննությանը:
Իսկ Խաչատրյանների ընտանիքում որեւէ մեկին կասկածո՞ւմ են: Այս հարցով փորձեցինք դիմել նաեւ մարզպետի կնոջը` Լորետա Բարսեղյանին, սակայն տիկին Բարսեղյանը եւս չցանկացավ որեւէ մեկնաբանություն տալ: Ինչ վերաբերում է հայտնի ծեծկռտուքի պատմությանն ու այդ գործով դեռ միայն որպես վկա ներգրավված Սյունիքի մարզպետի որդուն` Տիգրան Խաչատրյանին, ապա տիկին Բարսեղյանը մեզ առաջարկեց պարզաբանումների համար դիմել փաստաբանին, ով ներկա է եղել Տիգրանի հարցաքննությանը: Եվ ահա փաստաբան Մարտին Զիլֆուղարյանն էլ մեզ փոխանցեց միայն հետեյալը. "Տիգրան Խաչատրյանը ընդամենը գրել է, որ ծեծկռտուքին նա մասնակից չի եղել. այդքան բանը կարող եմ միայն ասել": Մի խոսքով, այն տպավորությունն է, որ Խաչատրյաններն այս ողջ պատմության հետ կապված` գերադասում են լռել` թերեւս, եղած մեծ աղմուկին էլ ավելի մեծ թափ չհաղորդելու համար: Նույն "քչախոսությունը" հասել է նաեւ ՀՀ քննչական կոմիտե, որտեղից ընդամենը տեղեկացրին, որ սույն գործերով ակտիվ քննություն է ընթանում, այս շաբաթ նախատեսվում է երկու տասնյակից ավել անձանց հարցաքննություն:
1
7719 դիտում
2
3726 դիտում
3
3341 դիտում
4
3116 դիտում
5
2993 դիտում
