ԱՐՄԵՆ ՄԱՐՏԻՐՈՍՅԱՆԸ ԼՔԵԼՈ՞Ւ Է «ԺԱՌԱՆԳՈՒԹՅՈՒՆԸ»
Արխիվ 12-16
ԱՐՄԵՆ ՄԱՐՏԻՐՈՍՅԱՆԸ ԼՔԵԼՈ՞Ւ Է «ԺԱՌԱՆԳՈՒԹՅՈՒՆԸ»
«Իրավունքն» այսօր «Ժառանգություն» կուսակցության փոխնախագահ Արմեն Մարտիրոսյանից պարզեց` որքանով են շրջանառվող լուրերը համապատասխանում իրականությանը, որ նա դուրս է գալու կուսակցությունից: Ի պատասխան կուսակցության փոխնախագահը հիշեցրեց, որ վարչության նիստ կլինի, որտեղ ամեն ինչ կքննարկենք:
Հիշեցնենք` կուսակցության փոխնախագահ Արմեն Մարտիրոսյանն ու «Ժառանգություն» խմբակցության ղեկավար Ռուբեն Հակոբյանն օրեր առաջ հանդիպել էին ՀՀ նախագահ Սերժ Սարգսյանի հետ եւ քննարկել սահմանադրական բարեփոխումների հարցը: Այս քայլը դրական չէր ընդունել «Ժառանգության» պատգամավոր Զարուհի Փոստանջյանը, ով համարել էր իր գործընկերների Բաղրամյան 26-ի հաճախորդներ: Հանդիպումից մի քանի օր անց կուսակցության ղեկավար Րաֆֆի Հովհաննիսյանը ԱՄՆ-ից հայտարարեց ոչ ֆորմալ և ինքնանպատակ խորհրդակցությունների մասին` նկատի ունենալով իր կուսակիցների հանդիպումը Սերժ Սարգսյանի հետ:
Պրն Մարտիրոսյանից հստակեցրինք` եթե չի հերքում կուսակցությունից դուրս գալու լուրերը, կարելի՞ է ենթադրել, որ դրանք իրականությանը համապատասխանում են: «Որեւէ ներկուսակցական հարցի չեմ պատասխանի մինչ վարչության նիստի գումարումը»,- պատասխանեց Մարտիրոսյանը:
Ինչ վերաբերում է Րաֆֆի Հովհաննիսյանի քննադատությանը Սերժ Սարգսյանի հետ հանդիպելու համար, Մարտիրոսյանը կարծում է, որ Րաֆֆի Հովհաննիսյանի այդ արտահայտությունն իրենց չի վերաբերում: «Այդ հարցին կպատասխանի Րաֆֆի Հովհաննիսյանը, բայց կարծում եմ, որ մերը կարող էր լինել ինքնանպատակ հանդիպում, ոչ թե հանդիպումներ»,- մանրամասնեց Մարտիրոսյանը:
Ի դեպ, Րաֆֆի Հովհաննիսյանի մարզային այցելությունները տեղի չեն ունեցել, քանի որ «Ժառանգության» առաջնորդը ԱՄՆ-ում է եղել: Նրա փոխարեն մարզեր մեկնել են կուսակցության ներկայացուցիչները:
ՍՈՆԱ ԴԱՎԹՅԱՆ
1
3078 դիտում
2
2438 դիտում
3
2353 դիտում
4
2073 դիտում
5
1982 դիտում
