ՏԻԳՐԱՆ ԿԱՐԱՊԵՏՅԱՆԸ`ԲՀԿ-Ն ԼՔԱԾՆԵՐԻ ՄԱՍԻՆ. «ԿՌԻՍՆԵՐԸ ՓԱԽՆՈՒՄ ԵՆ ՆԱՎԻՑ»

ՏԻԳՐԱՆ ԿԱՐԱՊԵՏՅԱՆԸ`ԲՀԿ-Ն ԼՔԱԾՆԵՐԻ ՄԱՍԻՆ.

«ԿՌԻՍՆԵՐԸ ՓԱԽՆՈՒՄ ԵՆ ՆԱՎԻՑ»

ԺԿ առաջնորդ Տիգրան Կարապետյանին այսօր «Իրավունքը» մի քանի հարց ուղղեց  քաղաքական վերջին իրադարձությունների ու ԲՀԿ-ի հետ հետագա  համագործակցության մասին:

- Պարոն Կարապետյան, ԲՀԿ-ի հետ պատրաստվո՞ւմ եք շարունակել Ձեր համագործակցել:

- Ոչ: Գագիկ Ծառուկյանի հետ` այո: Համենայնդեպս, մենք ու ԲՀԿ-ը պատկերացնում էինք Ծառուկյանին` որպես առաջնորդ: Իսկ հիմա եթե ինքը չկա,  հետաքրքրիր չէ արդեն:

- Գագիկ Ծառուկյանն արդեն  հայտարարել է  քաղաքականությունից դուրս գալու մասին...

- Դե հիմա ինչ անենք:

- Հնարավո՞ր է` դուք եւս դուրս գաք քաղաքականությունից:

- Ոչ:

- Այդ դեպքում  քաղաքական  ո՞ր ուժի հետ եք համագործակցելու:

- Ժողովրդի հետ եմ համագործակցում: Ես  այսօր ընդդիմադիր ուժ չեմ տեսնում` բացի

Սեֆիլյանից:

- Առաջիկայում հնարավո՞ր է Սեֆիլյանի հետ համագործակցեք:

- Կարող է:

- ՀԱԿ առաջնորդ Լեւոն Տեր-Պետրոսյանը  մարտի մեկին հայտարարեց, որ միակ ընդդիմությունն այսօր ՀԱԿ-ն է:

- Համաձայն չեմ: Ընդդիմությունը չի ասում, որ մենք ենք ընդդիմություն: Ընդդիմությունը հաշվի է առնում այլ միավորների: Եթե հաշվի չի առնում, պարզ է` ինչ են ուզում:

- Իսկ Լեւոն տեր-Պետրոսյանի`«Սրտիս պարտքը» հոդվածը, բաց նամակը Սերժ Սարգսյանին, որոնք հրապարակվեցին ԲՀԿ-ի  պառակտման օրերին, ինչպե՞ս եք գնահատում:

- Բացասական:

- ԲՀԿ-ն լքածների  պահվածքին ի՞նչ գնահատական կտաք:

- Կռիսները փախնում են նավից: Դա հայտնի գործողություն է: Դե իրենք մտել էին ԲՀԿ-ը սեփական հարստացման, ներուժ ունենալու համար: Իրենք չէին մտել գաղափարի համար: Ես չեմ մեղադրում իրենց: Միշտ էլ կան այդպիսի մարդիկ:

- ԲՀԿ-ի հետ ձեր համագործակցությունը գաղափարակա՞ն բնո՞յթ ուներ:

- Համենայնդեպս, մենք կարծում էինք, որ Գագիկ Ծառուկյանը կարող է  ղեկավարել երկիրը, բայց  ցավոք եղավ այն, ինչ եղավ:

ՍՈՆԱ ԴԱՎԹՅԱՆ