ՄԱՆՈՒԿՅԱՆԸ` ԿԳ ՆԱԽԱՐԱՐԻՆ. "ՀԱՇՎԻ ՉԵՔ ԱՌՆՈՒՄ, ԵՏ ԵՐԵԽԵՔԸ ՉԻՇԻԿԻՑ ԿԱՄ ԿԱԹԻՑ ԿՏՐՎԵԼ ԵՆ, ՈՐ ԴՊՐՈՑ ԳՆԱՆ"

ՄԱՆՈՒԿՅԱՆԸ` ԿԳ ՆԱԽԱՐԱՐԻՆ. "ՀԱՇՎԻ ՉԵՔ ԱՌՆՈՒՄ, ԵՏ ԵՐԵԽԵՔԸ ՉԻՇԻԿԻՑ ԿԱՄ ԿԱԹԻՑ ԿՏՐՎԵԼ ԵՆ, ՈՐ ԴՊՐՈՑ ԳՆԱՆ"

Այսօր Ազգային ժողովում տեղի ունեցավ Գիտության, կրթության, մշակույթի, սպորտի ու երիտասարդության մշտական հանձնաժողովի նիստ, որի ընթացքում պատգամավոր Հայկ Բաբուխանյանը հարց ուղեց ԿԳ նախարար Արմեն Աշոտյանին, թե արդյոք 12 ամյա երկար ու ձիգ տարիներն են, որ պետք է աշակերտների մոտ գիտելիքները էլ ավելի շատացնեն, այն էլ այն դեպքում, որ այդ ընթացքում երեխաները միեւնույն է պարապում են կրկնուսույցի մոտ: Պատասխանելով հարցին Արմեն Աշոտյանն ասաց, որ որքան վաղ հասակից է երեխան սկսում իր կրթությունը, նախադպրոցական ուսումը, այնքան նրա ակադեմիական տվյալները կյանքի ընթացքում ավելի բարձր են լինում, այնքան նա հաջողակ է լինում: Միջամտելով նախարարի խոսքին, ՀԱԿ պատգամավոր Արամ Մանուկյանը մի տարօրինակ ռեպլիկ բաց թողեց. <Այ մարդ, ես չեմ հասկանում, դուք հաշվի առնում եք ետ երեխեքը ճիշիկից, կամ կաթից կտրվել են, որ էտքան շուտ դպրոց գան>:

Ի դեպ նշենք, որ Ա. Մանուկյանը այս նիստին աչքի էր ընկնում յուրահատուկ էկսցենտրիկությամբ: Երբ քննարկվում էր հուշարձանների պաշտպանության հարցը, Ա. Մանուկյանը, որպեսզի իր խոսքը հասանելի դարձնի, դիմելով Մշակույթի փոխնախարար Արեւիկ Սամուելյանին ասաց, որ հուշարձանների <մաման լացացրել են>, եւ որ չկա հետեւողականություն:

Դե ինչ, հավանաբար Շարմ էլ շեյխ  գնալուց եւ հանգստանալուց հետո պարոն Մանուկյանի մոտ նոր բառապաշար է ձեւավորվել, չնայած ՀԱԿ պատգամավորների այս գռեհիկ մոտեցումն ու պահվածքը,  թերեւս, նորություն չէ:

ԱՐՄԵՆՈՒՀԻ ՀԱԿՈԲՅԱՆ