ՊԱՏԱՀԱՐՆԵՐ

ՊԱՏԱՀԱՐՆԵՐ

Մարտի 17-ին գրանցվել էր վրաերթի 1 դեպք. ժամը 01:00-ին, «ՎԱԶ-2107» մակնիշի ավտոմեքենայի վարորդը Երևանի Վանթյան փողոցի թիվ 61/Ա հասցեի մոտ վրաերթի էր ենթարկել 44-ամյա տղամարդու, որը մարմնական վնասվածքներով տեղափոխվել է հիվանդանոց:

Մարտի 16-ին՝

- ժամը 08:30-ին, Երևանի Էրեբունի և Աթոյան փողոցնների խաչմերուկում իրար էին բախվել «Օպել» մակնիշի 2 ավտոմեքենա: Վարորդներից մեկը մարմնական վնասվածքներով բուժօգնության է դիմել հիվանդանոց:

- ժամը 13:30-ին, «Ֆոլքսվագեն Գոլֆ» մակնիշի ավտոմեքենայի վարորդը Երևանի Մամիկոնյանց փողոցի թիվ 82 դպրոցի դիմաց վրաերթի է ենթարկել 25-ամյա 2 քաղաքացուհու, որոնք մարմնական վնասվածքներով տեղափոխվել են հիվանդանոց:
- ժամը 16:30-ին, Երևանի Կոմիտասի պողոտայի և Փափազյան փողոցի խաչմերուկում անհայտ ավտոմեքենայի վարորդը վրաերթի է ենթարկել 13-ամյա աղջկա, որը մարմնական վնասվածքներով տեղափոխվել է հիվանդանոց:
- ժամը 08:00-ի սահմաններում, Արարատի մարզի Գեղանիստ գյուղի թիվ 9 տան մոտ «Օպել Աստրա Ջի» մակնիշի ավտոմեքենա է բախվել էլեկտրասյանը և կողաշրջվել, ինչի հետևանքով վարորդը և ուղևորը մարմնական վնասվածքներով տեղափոխվել են հիվանդանոց:

- ժամը 16:30-ի սահմաններում, Արարատի մարզի Հայանիստ գյուղի խաչմերուկում «Ֆոլքսվագեն Գոլֆ» մակնիշի ավտոմեքենա է բախվել «Միցուբիշի Լ 200» մակնիշի ավտոմեքենայի: «Ֆոլքսվագեն Գոլֆ»-ի 5 ուղևորները մարմնական վնասվածքներով տեղափոխվել են հիվանդանոց:
- ժամը 16:40-ի սահմաններում, Լոռու մարզի Փամբակ գյուղի կենտրոնական խանութի մոտ իրար են բախվել «Օպել Աստրա» և «ԳԱԶ-2410» մակնիշի ավտոմեքենաներ, որից հետո «ԳԱԶ-2410»-ն ընկել է գյուղի տներից մեկի բակ և այրվել: «ԳԱԶ-2410»-ի ուղևորը և «Օպել Աստրա»-ի ուղևորը մարմնական վնասվածքներով տեղափոխվել են հիվանդանոց:
- ժամը 22:20-ի սահմաններում, Նոր Հաճնի կամրջի վրա «Նիսան Տիանա» մակնիշի ավտոմեքենա է բախվել «ՎԱԶ-2106» մակնիշի ավտոմեքենայի: «Նիսան Տիանա»-ի վարորդը և ուղևորը մարմնական վնասվածքներով տեղափոխվել են հիվանդանոց: