ՈՒԿՐԱԻՆԱՅԻ ՀԱՍԱՐԱԿԱԿԱՆ ԳՈՐԾԻՉ. «ՈՒԿՐԱԻՆԱՅՈՒՄ ՊԱՏԵՐԱԶՄԸ ՁԵՌՆՏՈՒ Է ՏՈՒՐՉԻՆՈՎԻՆ ԵՎ ԱՎԱԿՈՎԻՆ»

ՈՒԿՐԱԻՆԱՅԻ ՀԱՍԱՐԱԿԱԿԱՆ ԳՈՐԾԻՉ. «ՈՒԿՐԱԻՆԱՅՈՒՄ ՊԱՏԵՐԱԶՄԸ ՁԵՌՆՏՈՒ Է ՏՈՒՐՉԻՆՈՎԻՆ ԵՎ ԱՎԱԿՈՎԻՆ»

Ինչպես հայտնի է, փետրվարի 12-ին «Նորմանդական քառյակը»` Ռուսաստանը, Գերմանիան, Ֆրանսիան, Ուկրաինան, Մինսկում չորս էջանոց հռչակագիր ընդունեցին, որով հաստատում են, որ ուկրաինական հակամարտության խաղաղ կարգավորումն չունի այլընտրանք: Ուկրաինայի հասարակական գործիչ Արմեն Մարտիրոսյանն «Իրավունքի» հետ զրույցում ասաց, որ այս պահին Ուկրաինայում լարված իրավիճակ է.   «Ընդհանուր առմամբ հայտարարել են փոփոխությունների մասին, բայց լարված ու վտանգավոր իրավիճակ է»:

Ինչ վերաբերում է Դոնեցկում ու Լուգանսկում տիրող իրավիճակին,  հասարակական գործչի փոխանցմամբ` թեւ զինտեխինան դուրս է բերվում, կնքված փաստաթղթի կետերը փորձում են կյանքի կոչել, բայց կոնֆլիկտը դեռ պահպանվում է: «Չնայած սրան` Դոնեցկում ու Լուգանսկում վերականգնվում են փլված շինությունները, վերականգնվում են երկաթգծերը, բացվում են մանկապարտեզներ, վերանորոգվում են հիվանդանոցներ»,- մանրամասնեց պրն Մարտիրոսյանը:

«Նորմանադական քառյակը», ըստ փաստաթղթի, Ուկրաինան պետք է իր սահմանադրությունում փոփոխություններ անի, Դոնեցկին ու Լուգանսկին պետք է տրամադրի առանձնահատուկ կարգավիճակ, բայց Կիեւը դա մինչ այսօր չի կատարել: «Ուկրաինան դժվարությամբ է պահպանում Մինսկում ձեռքբերված համաձայնությունը, քանի որ միջազգային վալյուտային ֆոնդի նախապայմաններից մեկն էր Արեւելքում կայունության հաստատումն է»,- կարծում է քաղաքագետը:

- Պրն Մարտիրոսյան, Ուկրաինայի նախագահ Պյոտր Պորոշենկոն հայտարարել է, որ ցանկանում է Դոնեցկի խնդիրը լուծել միմիայն խաղաղ ճանապարհով: Ուկրաինան, իրոք, տրամադրվա՞ծ է խնդրի խաղաղ կարգավորմանը, թե սա ուղղակի հայտարարություն է:

- Նախ պետք է հիշել, որ «Նորմանդական քառյակի» կողմից ստորագրված փաստաթուղթը միջազգային բնույթ ունի, երաշխավորված է ՄԱԿ-ի կողմից: Երկրորդ`Պորոշենկոն, հնարավոր է, ցանկանում է խնդիրը խաղաղ լուծել, բայց, իրենից բացի, կան քաղաքական գործիչներ` Տուրչինով, Ավագով, որոնց պատերազմը ձեռնտու է, քանի որ դրա շնորհիվ գումարներ են վաստակում: Ուկրաինայի վարչապետը, օրինակ, պատերազմի կողմնակից կուսակցության ներկայացուցիչ է:

- «Իրավունք»-ին տված Ձեր վերջին հարցազրույցում հայտարարում էիք, որ Ուկրաինայում մայդան չի լինի, բայց ռազմական հեղաշրջումն էլ սարերի ետեւում չէ: «Նորմանդական քառյակի» բանակցություններից հետո  ե՞ւս կան ռազմական հեղաշրջման նախադրյալները:

- Ուկրաինայում մեծ չափերի է հասնում օգտագործվող զենքի քանակը, բայց պարտադիր չէ, որ հեղաշրջումը ռազմական բնույթ կրի: Սոցիալական առումով պայթյուններ ու բունտեր կլինեն, քանի որ Ուկրաինաում սակագները բարձրացրել են, արագ տեմպերով ինֆլյացիա է տեղի ունենում:

ՍՈՆԱ ԴԱՎԹՅԱՆ