"ՀԱՅՏՆԻ ԱՆՁԱՆՑԻՑ ՄԵԿԻ ԵՐԵՔ ՀԱՐՅՈՒՐ ՄԻԼԻԱՐԴԻ ԳԵՂԱՆԿԱՐՉԱԿԱՆ ԳՈՐԾԵՐԸ ՀԱՓՇՏԱԿԵԼ ԵՆ"
"Ես ներկայումս հետաքննություն եմ իրականացնում Հայաստանի մշակութային կորած արժեքների հայտնաբերման ուղղությամբ, եւ արդեն իսկ շատ լուրջ փաստեր եմ ձեռք բերել: Անդրադառնամ դրանցից մեկին, մասնավորապես, հայ հայտնի անձանցից մեկի երեք հարյուր միլիարդ դրամ արժողությամբ գնահատված գեղանկարչական գործերը հափշտակել են նրա ձեռքից եւ մինչ օրս վերադարձվելու որեւէ միտում չկա:
Առայժմ կարող եմ միայն այդքանը ասել, բայց ավարտելուն պես, վստահեցնում եմ, որ մեծ բացահայտում կլինի բոլորի համար",- մեզ հետ զրույցում ասաց հայտնի քրեագետ ՍԵՐԳԵՅ ԳԱԼՈՅԱՆԸ: Սակայն քրեագետին մեր դիմելու նպատակը Լեւոն Ղազարյանի (Երրորդմասցի Լյովիկ) առեղծվածային սպանության վերաբերյալ նոր տեղեկություններ ստանալն էր: - Իմ մոտ նոր փաստեր են ավելացել Երրորդմասի Լյովիկի սպանության վերաբերյալ, որոնց մասին մոտ օրերս Ձեզ անպայման հարցազրույց կտամ: Բայց ոչ մամլո ասուլիս, քանի որ երբեմն մտքերս աղավաղվում են: Օրինակª օրերս, հեռախոսով հարցազրույց վերցրած կայքերից մեկի լրագրողը` չնայած խոսքս նորմալ շարադրել էր, բայց վերնագրում մեկ բառ էր շփոթել: Եվ ստացվեց այն տպավորությունը, որ ես ասել եմ, թե Արմեն Ղազարյանըª Պզոն չի մարսելու եղբորորդու սպանությունը: Այնինչ, ես լրիվ հակառակն էի ասել, Պզոն դա կուլ չի տա:
1
3122 դիտում
2
2476 դիտում
3
2109 դիտում
4
1683 դիտում
5
1596 դիտում
