ԱՐԹՈՒՐ ԱՖՅԱՆԻ ԵՂԲԱՅՐԸ ՉԻ ՀԱՎԱՏՈՒՄ ԻՆՔՆԱՍՊԱՆՈՒԹՅԱՆ ՎԱՐԿԱԾԻՆ
Եվ այսպեսª օրերս հայտնաբերվեց Հայաստանում ՌԴ ռազմաբազայի պայմանագրային զինծառայող Արթուր Աֆյանի դինª բաց տարածքում գտնվող բետոնե դիտահորում` կախված վիճակում: Նախնական վարկածովª տեղի է ունեցել ինքնասպանություն, ինչի մասին է վկայում նաեւ այն լուրը, որ Աֆյանը օրեր առաջ, թողնելով ծառայությունը, ընտանիքըª փախել էլ, քանի որ մեծ պարտքեր ուներ: Բայց ահա Արթուրի եղբայրը` Արկադի Աֆյանը, չի հավատում, որ եղբայրը կարող էր նման քայլի գնալ.
- Ես գիտեի, որ ինքը պարտքեր ուներ, բայց անհետանալուց օրեր առաջ գրավ էր դրել կնոջ թանկարժեք իրերըª պարտքերը մարելու համար եւ հանգիստ էր արդեն: Չեմ ուզում հավատալ, որ եղբայրս կարող էր պարտքերի համար նման դաժան ձեւով վարվել թե՛ մեր եւ թե՛ իր հետ, բայց փաստ է, որ էսօր եղբայրս չկա: Նրա մարմինն ընդհանրապես չի փոխվել, էնքան հանգիստ դեմքի արտահայտությամբ է մահացել: Ինքնասպան եղած զինծառայողի եղբայրը նաեւ հաստատեց այն տեղեկությունը, որ Արթուրի գրպանից հայտնաբերել են միայն ծխախոտ եւ կրակայրիչ: Ի դեպ, այս փաստը, այսինքն, որ ինքնասպանությունից առաջ Արթուրը իր քայլի մասին որեւէ գրություն չի թողել, արդեն իսկ կասկածի տակ է առնում այդ վարկածը:
1
3078 դիտում
2
2438 դիտում
3
2353 դիտում
4
2073 դիտում
5
1982 դիտում
