"ՊԶՈՆ ՎՐԵԺ ԿԼՈՒԾԻ ԵՂՈՐՈՐԴՈՒ ՍՊԱՆՈՒԹՅԱՆ ՀԱՄԱՐ"

"ՊԶՈՆ ՎՐԵԺ ԿԼՈՒԾԻ
ԵՂՈՐՈՐԴՈՒ ՍՊԱՆՈՒԹՅԱՆ ՀԱՄԱՐ"

Նուբարաշենում մարտի 4-ին տեղի ունեցած միջադեպի ժամանակ սպանված քրեական հեղինակություն Լեւոն Ղազարյանի (Երրորդմասցի Լյովիկ) եւ նրա մերձավորների սպանությունների "հետքերը տանում են դեպի տարիներ առաջ "ՏԷՑ-ի կռուգում" տեղի ունեցած ռազբորկան, երբ փոխհրաձգության հետեւանքով մահացել էր Մհեր Տեր-Հարությունյանը, վիրավորվել էին մի քանի տասնյակ մարդիկ": Այս մասին մեզ հետ զրույցում անդրադառնալով "Նուբարաշեն" ՔԿՀ-ի դիմաց տեղի ունեցած սպանությամբ ավարտված միջադեպի հիմնական պատճառներին` ասաց հայտնի քրեագետ ՍԵՐԳԵՅ ԳԱԼՈՅԱՆԸ: Իսկ կատարվածը, ըստ քրեագետի, պրոֆեսիոնալ մարդասպանի ձեռքով կատարված պատվիրված սպանություն էր.
-Պրոֆեսիոնալ եւ կազմակերպված սպանության դասական օրինակ էր. բոլոր նշաններն այդ մասին են խոսում: Սպանելուց հետո, եթե կրակել են, պետք է, որ թողնեին հեռանային: Բայց զենքերն ինչո՞ւ են շպրտել դեպքի վայրում. դա իր պատասխանն ունի եւ խոսում է պատվիրված սպանության մասին: Հիմնականում վարձու, պատվիրված սպանությունների դեպքում են զենքը թողնում տեղում: Սա սպանություն էր, որը դեռ շատ "ջուր կքաշի", քանի որ  այդտեղ ներկա ու մասնակից է եղել նաեւ քրեական աշխարհում մեծ ճանաչում ունեցող օրենքով գող Արմեն Ղազարյանի ¥Պզո¤ եղբորորդին` Երրորդմասցի Լյովիկը:
- Ըստ Ձեզ, ո՞րն է շրջանառվող վարկածներից ամենահավանականը:
- Չի բացառվում  նաեւ, որ այս սպանության պատճառը նախորդ տարի Երրորդմասցի Լյովիկի ու Օշականցի Գեւորիկի միջեւ եղած ընդհարումը լինի: Բայց ինչ էլ եղած լինի սպանության հիմքում, միեւնույնն էª Երրորդմասցի Լյովիկի հորեղբայրը` Արմեն Ղազարյանը, կատարվածը կբացահայտի եւ վրեժխնդիր կլինի: Ի վերջո չմոռանանք, որ Լեւոն Ղազարյանը քրեական աշխարհում առավել հայտնի էր դարձել եւ հեղինակություն էր վայելում նաեւ նրա համար, որ նա քրեական աշխարհում հայտնի ամենաճանաչված մարդկանցից մեկի` Պզոյի եղբորորդին է: Ես չգիտեմª Լյովիկին սպանողները ինչն են հաշվի առել, ինչը` ոչ, բայց Պզոյի դերը պետք չէր նվազեցնել: Պարզ է նաեւ, որ ամեն մեկը չէր գնա այսպիսի ռիսկի, քանի որ քրեական աշխարհին ծանոթ մարդիկ լավ գիտեն, թե Պզոն ինչ հզոր դեմք է ամբողջ քրեական ախարհում, եւ նրա հետ կատակ անել չի կարելի: Իսկ դա հուշում է, որ Երրորդմասցի Լյովիկի սպանությունը հետեւանքներ անպայման կունենա. պատասխան հարվածը չի ուշանա: Այնպես որ, սպանության ինչ վարկածներ էլ որ շրջանառվեն, իրավապահ մարմիններին ինչ աշխատանք էլ իրականացնեն, քրեական հեղինակություններն այս հաշիվը կլուծեն իրենց ճանապարհով. կլինի համարժեք պատասխան: Որովհետեւ եթե շատերի համար, սա զուտ սենսացիոն միջադեպ է, ապա սպանվածներից յուրաքանչյուրի հարազատի համար սա վրեժի հարց է, հատկապես Լյովիկի պարագայում:
- Շրջանառվող վարկածների համաձայնª հնարավոր է, որ սպանության մեջ խառը լինի  Մարտուն Կարապետյանըª "Կյաժ Մարտունը": Ի՞նչ կասեք այս վարկածի առնչությամբ:
- "Կյաժը", ես կասեի, առհասարակ հայտնի չէ քրեական աշխարհում: Բայց դա չի նշանակում, որ այդ վարկածն անհավանական է. համենայնդեպսª համապատասխան վարձատրության դեպքում ամեն ինչի էլ կարելի է գնալ: Ամեն դեպքում, իրավապահները ցանկության դեպքում կարող են բացահայտել այս սպանությունները, եթե իհարկե շահագրգռված անձինք չլինեն, որոնք ցանկանան գործը լրիվ այլ ուղղությամբ տանել: Չնայած ես կարծում եմ, որ գործն ամեն դեպքում կբացահայտվի, քանի որ, կրկնում եմ, սպանվածների թվում Պզոյի եղբորորդին է: Ինձ համար միայն մի բանն էր անհասկանալի, որ քրեական հեղինակությունների ընդհարումների հետ կապված այս սպանության գործը տեղափոխվեց ԱԱԾ: Ես կհասկանայի, եթե Գյումրիում կատարված Ավետիսյանների ընտանիքի սպանության գործը վարեր ԱԱԾ-ն: Բայց հիմա տպավորություն է, որ Լեւոն Ղազարյանի սպանությունը դարձել է Ազգային անվտանգության հարց:

ԻԼՈՆԱ ԱԶԱՐՅԱՆ