ՀԱՅԱՍՏԱՆՅԱՆ ԱՄԲՈՂՋ ԽՄԵԼՈՒ ՋՐԱՄԱՏԱԿԱՐԱՐՈՒՄԸ ԿՄԻԱՎՈՐՎԻ՞

ՀԱՅԱՍՏԱՆՅԱՆ ԱՄԲՈՂՋ ԽՄԵԼՈՒ
ՋՐԱՄԱՏԱԿԱՐԱՐՈՒՄԸ ԿՄԻԱՎՈՐՎԻ՞

Ինչպես հայտնի էª Հայաստանն ունի խմելու ջրամատակարարման հինգ օպերատոր` "Երեւան Ջուրը", "Հայջրմուղկոյուղին", "Շիրակ-ջրմուղկոյուղին", "Լոռի-ջրմուղկոյուղին" եւ "Նոր-Ակունքը": Դրանցից առաջին երկուսի կառավարման ժամկետն ավարտվում է 2016թ. մայիսին, որից հետո, կա տեղեկություն, որ ՀՀ կառավարությունում քննարկվում է մեկ օպերատոր ունենալու գաղափարը, այսինքնª հայաստանյան ամբողջ ջրամատակարարումը միավորվելու է: Եվ հաշվի առնելով, որ Հայաստանում ներտնային գազասպառման համակարգի տեխնիկական սպասարկումն իրականացնող "Էյ Ի Ջի Սերվիս" ընկերությունը գործում է նաեւ խմելու ջրամատակարարման ոլորտում, գլխավոր տնօրեն ԱՐՍԵՆ ՀԱՐՈՒԹՅՈՒՆՅԱՆԻՑ փորձեցինք պարզել մեր ունեցած տեղեկության իսկությունը:
-Ջրային նախագծերում մեր մասնակցությունը նոր չէ, աշխատում ենք դեռ 2009-ից: Գերմանական MVV dekon եւ MVV Energe ընկերությունների հետ միասին իրականացնում ենք "Շիրակ-ջրմուղկոյուղի", "Լոռի-ջրմուղկոյուղի" եւ Արմավիրի մարզի "Նոր-Ակունք" ընկերությունների կառավարումը: Նախատեսված էր գերմանական KFW բանկի ֆինանսավորմամբ իրականացնել այդ ընկերությունների կառավարման գոտու ջրամատակարարման-ջրահեռացման արդիականացման ծրագիրը: Անցած երեք տարում ծավալած գործունեությունը բավարար արդյունքներ արձանագրեց, որից հետո բանկը որոշեց ծրագիրը երկարաձգել 17, ապաª եւս 29 ամսով: Այդ երրորդ փուլում մեզ է միանում նաեւ "Հայջրմուղկոյուղի" ընկերության պայմանագրային կառավարիչ ֆրանսիական "Սաուղ" ընկերությունը...
- Այ, հենց "Սաուղի" հետ այդ համատեղ գործունեության հանգամանքի արդյունքում էլ ի հայտ են եկել խոսակցություններ, որ գալիք տարվանից հավակնում եք այդ միավորված ջրամատակարարման համակարգի օպերատորի դերին:
- Այո, այդ ոլորտում արձանագրած արտադրական արդյունքներն ու արդեն ձեւավորված աշխատանքային փորձը, կարծում եմ, մեզ ռեալ հնարավորություն տալիս է այդ հավակնությանը: Եթե կան առաջադեմ գաղափարներ եւ հաստատակամությունª դրանք արդյունավետ իրականացնելու համար, ապա վստահ եմ, որ հաջողությունը հետեւելու է:

Ք. ՍԱՐԳՍՅԱՆ