ՎԱՐԴԱՆ ՂՈՒԿԱՍՅԱՆ. "ՆՈՐԻՑ ԿԴԱՌՆԱ՞Մ ԳՅՈՒՄՐՈՒ ՔԱՂԱՔԱՊԵՏª ԺԱՄԱՆԱԿԸ ՑՈՒՅՑ ԿՏԱ"

ՎԱՐԴԱՆ ՂՈՒԿԱՍՅԱՆ. "ՆՈՐԻՑ ԿԴԱՌՆԱ՞Մ
ԳՅՈՒՄՐՈՒ ՔԱՂԱՔԱՊԵՏª ԺԱՄԱՆԱԿԸ ՑՈՒՅՑ ԿՏԱ"

Տարեսկզբից դժբախտությունները հետապնդում են Գյումրուն: Նախª տապալվեց ամանորյա տոնածառը, որին հաջորդեց Ավետիսյանների ընտանիքի սպանդը, ապաª մի շարք այլ սպանություններ, եւ վերջին հայտնի կրակոցները: Պատկերը կամբողջանա, եթե հիշեցնենք, որ մինչեւ իսկ ԲՀԿ-ի պատմությունը իր արձագանքները ստացավ Գյումրիում. այդ կուսակցությունը լքեցին ոչ միայն քաղաքում հայտնի ընտանիքներից մեկը ներկայացնող Մարտուն Գրիգորյանը, այլ նաեւ քաղաքապետ Բալասանյանը: Եվ ահա նախկին քաղաքապետ ՎԱՐԴԱՆ ՂՈՒԿԱՍՅԱՆԻՑ փորձեցինք պարզել, թե այս ինչ է տեղի ունենում Գյումրիում.
-Բնականաբար, ոչ մի գյումրեցի, այդ թվումª ես, իրեն լավ չի զգում, որ նման դեպքեր են տեղի ունենում քաղաքում, որոնց արդյունքում երիտասարդներ են տուժում: Ո՞վ է դա խրախուսում. բոլորը բացասական են արձագանքում նման ողբերգական ավարտ ունեցող դեպքերին: Չեմ կարող ասել, թե ինչով է պայմանավորված, որ տարին դեռ չսկսածª հաճախակի նման դեպքեր են տեղի ունենում: Մի բան միայն կարող եմ ասել. երկրաշարժից հետո Գյումրիում փոշին խեղդում էր մարդկանց, կուրացնում էր աչքերը, թոքերի քաղցկեղ էր առաջանում: Հիմա, որ քաղաքում պտտվեք, կտեսնեք, թե ինչ վիճակի մեջ է քաղաքը. էլի փոշին խեղդում է: Ցերեկը, որ նայում ես, գիտես` երեկո է. սա է խայտառակությունը, այստեղից է գալիս ամեն բան: Մեր օրոք, եթե աշխատում էր 200-300 հավաքարար, ներկայումս աշխատում են 20-30-ը. պատկերացրեք, ինչ տնտեսումներ են անում, այ սա է վատը...
- Ակնարկը, իհարկե, քաղաքապետ Բալասանյանի մասին է: Սակայն Բալասանյան էլ պարբերաբար Ձեզ է մեղադրում: Օրինակª իր հարցազրույցներից մեկում նշել է, որ Դուք եկեղեցու կառուցման  անվան  տակ  փող եք հանգանակել ու  այդ  գումարներով  անձնական  պալատներ  կառուցել:
- Ամբողջ քաղաքը գիտի, թե եկեղեցին ինչ գումարներով է կառուցվում, իսկ ինձ համար կարեւորը ժողովրդի կարծիքն է: Մնացածի, մասնավորապեսª էդ Ձեր ասած մարդու կարծիքը ինձ շատ քիչ է հետաքրքրում: Մի բան կարող եմ ասել, եթե մարդիկ սկսում են չհիմնավորված բանսարկություններ անել եկեղեցուց, ուրեմն, վստահ եղեք, Աստծո պատիժը թափվելու է իրենց գլխին: Ժողովուրդը մի հատ ճիշտ խոսք ունի` "Եթե սոխ չես կերել, սիրտդ ինչի՞ է մրմռում". ես ոչ մի բան չեմ արել, որ մի հատ էլ նեղվեմ: Հակառակըª կգա ժամանակը, սաղ իր տեղը կընկնի: Իսկ ինչ մնում է նմանատիպ հերյուրանքներ տարածողներին, նման մարդիկ Աստծուց կգտնեն իրենց պատիժը...
- Գյումրեցիները միշտ աչքի են ընկել իրենց կամքի ուժով: Ուրեմն, ի՞նչը խանգարեց, որ Բալասանյանը, ինչպես Դուք եք բազմիցս նշելª քաղաքի համար ոչինչ չանելով, շարունակում է մնալ քաղաքապետի պաշտոնում:
- Դուք, դուք եք խանգարում. չորրորդ իշխանությունը պետք է Հայաստանի սյուներից մեկը լիներ, իսկ դուք գիշեր-ցերեկ տխուր, ողբերգական միջադեպեր եք լուսաբանում: Մի հատ հուսադրող բան ՀՀ-ի ԶԼՄ-ները չեն ցուցադրում: Համաձայն եմª պետք է վատի մասին էլ խոսեք, բայց Ձեր հեղինակությունը բարձրացնելու համար մշտապես վատն եք լուսաբանում: Մինչդեռ, եթե ԶԼՄ-ներն իրենց օբյեկտիվ տեղում լինեն, ամեն բան լավ կլինի:
- Բայց ինչո՞ւ, պարոն Ղուկասյան, ասենքª չգրենք, թե օրերս Բալասանյանը եւս, հետեւելով ԲՀԿ-ականների առնետավազքին, լքեց կուսակցության շարքերը: Եվ ինչպե՞ս չհիշեցնենք, որ ժամանակին նույն "հետեւողականությամբ էլ ջնջեց "ճակատին գրված" ՕԵԿ-ը. սրանում է՞լ են լրատվամիջոցները մեղավոր: Այնուամենայնիվ, կարելի՞ է  ասել, որ նա ոչ թե գաղափարի, այլ շահի համար էր այդ կուսակցությնն անդամագրվել:
- Իհարկե: Ցավոք, նա դա արեց իր ունեցվածքն ու պաշտոնը պահելու համար: Նմանատիպ մարդիկ այ այդպիսի բաների մասին են մտածում, ի՞նչ քաղաք, ի՞նչ ժողովուրդ, ի՞նչ գաղափարախոսություն, ի՞նչ կուսակցություն: Եվ ճիշտ եքª ցավոք, նման մարդիկ այսօր շատ կան մեր հասարակության մեջ: Ա՛յ, որ օրը մենք ձերբազատվենք նման մարդկանցից, էդ օրվանից հաջողությունն անպակաս կլինի մեր երկրից:
- Ամեն դեպքում, գյումրեցիներն ակնկալե՞ն, որ հնարավոր է Ձեր թեկնածությունն առաջադրեք քաղաքապետի հաջորդ ընտրություններին:
- Ինչո՞ւ է բոլորին էդքան հետաքրքրումª կառաջադրեմ իմ թեկնածությունը, թե` ոչ: Նորից եմ կրկնումª կգա ժամանակը կասեմ` այո կամ ոչ: Ամեն դեպքում, ես կուզենայի Գյումրու քաղաքապետ տեսնել այն մարդուն, որի հետեւից ժողովուրդը իրոք կգնա, այլ ոչ թե նրան, որը կընտրվի կեղծիքի ու կաշառք բաժանելու միջոցով, որի հետեւից ժողովուրդը չի գնում: Իսկ ով ժողովրդի ձայով չի ընտրվում, դառնում է սատանայի կամակատար: Իսկ թե ես նորից կդառնա՞մ Գյումրու քաղաքապետª ժամանակը ցույց կտա:

ԻԼՈՆԱ ԱԶԱՐՅԱՆ