ՀՀ-ՈՒՄ ԼԵՀԱՍՏԱՆԻ ԴԵՍՊԱՆ. «ԵՍ ԳԻՏԵՄ` ԻՆՉ ՁԱՆՁՐԱԼԻ ԱՆՁ Է ԴԵՍՊԱՆԸ»

ՀՀ-ՈՒՄ ԼԵՀԱՍՏԱՆԻ ԴԵՍՊԱՆ. «ԵՍ ԳԻՏԵՄ` ԻՆՉ

ՁԱՆՁՐԱԼԻ ԱՆՁ Է ԴԵՍՊԱՆԸ»

ՀՀ-ում Լեհաստանի դեսպան Եժի Նովակովկսին Հայաստան- ԵՄ հարաբերությունների մասին խոսելիս  ասաց, որ  տարիներ շարունալ աշխատել է որպես լրագրող եւ գիտի` ինչ ձանձրալի անձ է դեսպանը, հետեւաբար, ներողություն խնդրեց լրագրողներից, որ  անդադար խոսելու է:

Արեւելյան գործընկերությունը մի ծրագիր է, որի սկզբնավորմանը մասնակցել են Լեհաստանն ու Շվեդիան: Արեւելյան գործընկերության  սկզբնական նպատակն է  ամրացնել արեւելահ գործընկերության  երկրների հետ իրենց կապերը:

Ըստ դեսպանի` Արեւելյան գործընկերության  նպատակն  է եղել ԵՄ-ի հետ այնպիսի  համակարգ ստեղծել, որը  կարող ենք լինել ե՛ւ սպառող, ե՛ւ արտադրող: Ընդ որում` խոսքը վերաբերում է ոչ միայն  նյութական, այլեւ  մտավոր արժեքներին: «Արեւելյան գործընկերությունը, երբ ստեղծվում էր, նպատակ կար, որ մի օր էլ Ռուսաստանը մաս կկազմի այդ համակարգին»,- ասաց  Եժի Նովակովսկին:

Խոսելով Հայաստան- ԵՄ հարաբերությունների մասին` Լեհաստանի դեսպանն ասաց, որ Հայաստանը եվրոպական երկրների` Լեհաստանի ու հատկապես Ֆրանսիայի կղմից,  կարեւոր երկիր է ընկալվում: Արեւելյան գործընկերությունը, բացի մշակութային ու տնտեսական ծրագրից, նաեւ  քաղաքական ծրագիր է: «Այն երկրները, որոնք ցանկանում եմ մաս կազմել արեւելյան ծրագրին, պետք է մոտենան Եվրոպային քաղաքական առումով»,- եզրափակեց դեսպանը:

ՍՈՆԱ ԴԱՎԹՅԱՆ