«ԵՍ ՉԵՄ ԿԱՐՈՂ ՁԵՐ ՀԱՐՑԵՐԻՆ ՊԱՏԱՍԽԱՆԵԼ». ԲՀԿ ՄԱՄՈՒԼԻ ՊԱՏԱՍԽԱՆԱՏՈՒ

«ԵՍ ՉԵՄ ԿԱՐՈՂ ՁԵՐ ՀԱՐՑԵՐԻՆ ՊԱՏԱՍԽԱՆԵԼ». ԲՀԿ

ՄԱՄՈՒԼԻ ՊԱՏԱՍԽԱՆԱՏՈՒ

Ինչպես հայտնի է, մարտի հինգին տեղի ունեցավ ԲՀԿ-ի արտահերթ համագումարը, որը, սակայն,  առաջացրեց նոր հարցեր, որոնք մինչ այժմ մնացել են անպատասխան:

Այդ կապակցությամբ «Իրավունքը» ԲՀԿ պատգամավոր, ԲՀԿ մամլո խոսնակի պարտականությունները ժամանակավորապես կատարող Վահան Բաբայանին մի քանի հարց ուղղեց:

- Պրն Բաբայան, ԲՀԿ նախկին ղեկավար Գագիկ Ծառուկյանը հայտարարեց, որ վայր է դնում կուսակցության նախագահի և խմբակցության ղեկավարի լիազորությունները եւ իր անձնական կամքով չի զբաղվելու քաղաքականությամբ:  Նաիրա Զոհրաբյանը, սակայն, հայտարարեց, որ պրն Ծառուկյանը մնալու է կուսակցությունում: Փաստորեն, ԲՀԿ նախկին ղեկավարը, որպես ԲՀԿ անդամ, շարունակելու է անդամավճար վճարե՞լ:

- Լուրջ հարցեր տվեք, ես կպատասխանեմ: Քաղաքական հարցեր տվեք: Ինտրիգային բաներ եք փնտրում…

- Պրն Բաբայան, եթե Գագիկ Ծառուկյանը  հայտարարում է, որ չի զբաղվելու քաղաքականությամբ, բայց մնում է  կուսակցությունում…

- Ես  չեմ կարող ձեր տված հարցերին պատասխանել: Եկեք զերծ մնանք…

- Ինչո՞ւ:

- Որովհետեւ Գագիկ Ծառուկյանի ելույթում ամեն ինչ ասված , ես ավելացնելու լիազորություն ու հնարավորություն չունեմ:

- Պարզապես փորձում ենք  հասկանալ Գագիկ Ծառուկյանի  ու Նաիրա Զոհրաբյանի հայտարարությունների տրամաբանությունը:

- Տրամաբանություն գտնելը պետք է թողնել վերլուծական շրջանակներին, քանի որ մենք գործող քաղաքականության մեջ ենք ու վերլուծություններով չենք զբաղվում:

Հարցազրույցի շարունակությունը` «Իրավունքի»  վաղվա համարում:

ՍՈՆԱ ԴԱՎԹՅԱՆ