«ԿԵՆՍԱԹՈՇԱԿԸ ԲԱՐՁՐ ԿԼԻՆԻ, ԵՐԲ ԸՆԴՀԱՆՈՒՐ ՀԱՍԱՐԱԿԱԿԱՆ ԲԱՐԵԿԵՑՈՒԹՅՈՒՆԸ ՆՈՐՄԱԼ ԼԻՆԻ»

«ԿԵՆՍԱԹՈՇԱԿԸ ԲԱՐՁՐ ԿԼԻՆԻ, ԵՐԲ ԸՆԴՀԱՆՈՒՐ ՀԱՍԱՐԱԿԱԿԱՆ ԲԱՐԵԿԵՑՈՒԹՅՈՒՆԸ ՆՈՐՄԱԼ ԼԻՆԻ»

«Իրավունքը» «Ուղիղ կապ» խորագրի ներքո այս անգամ հյուրընկալել էր ՀՀ աշխատանքի եւ սոցիալական հարցերի նախարարության կենսաթոշակային ապահովության վարչության պետ ԱՆԱՀԻՏ ԳԱԼՍՏՅԱՆԻՆ, ով մեկ ժամվա ընթացքում պատասխանեց մեր ընթերցողների եւ ֆեյսբուքյան օգտատերերի հնչեցրած հարցերին: Հարցերը մեծամասամբ վերաբերում էին կուտակային կենսաթոշակին, թոշակների բարձրացմանն ու սոցիալական մի քանի այլ խնդիրների: Ի դեպ, կանանց միամսյակի առթիվ իր բարեմաղթանքը հղեց նաեւ տիկին Գալստյանը` պատասխանելով նաեւ «Իրավունքի» այն հարցին, թե երբ վերջիվերջո մեր կենսաթոշակառուները կապրեն բարեկեցիկ.

- Սիրով շնորհավորում եմ մեր բոլոր տատիկներին, մայրիկներին, ովքեր կենսաթոշակ են ստանում: Իրենց երկար կյանք եմ մաղթում, թող երկար վայելեն իրենց կենսաթոշակը: Եվ մի օր թող հնարավոր լինի այնպիսի կենսաթոշակ տալ, որ իրենք ավելի հանգիստ խղճով ծախսեն այդ գումարները: Բայց եկեք հասկանանք, որ կենսաթոշակը այս ամբողջ պետության մի մասն է, հնարավոր չէ տանը մեկը ճոխ ապրի, մյուսը` ոչ: Եթե նույն տանն են ապրում, նույն հացն են ուտում, հնարավոր չէ այդպես: Այսօր գոնե Հայաստանում, եթե երկու եղբայր անգամ առանձին են ապրում, մեկը շատ է ստանում, մյուսը` քիչ, էլի մեկը մյուսին աջակցում է: Այնպես որ, կենսաթոշակը բարձր կլինի, երբ ընդհանուր հասարակական բարեկեցությունը նորմալ լինի: Այն ածանցյալ վիճակ է` կախված հասարակական բարեկեցությունից: Դրա համար պիտի տնտեսական աճ լինի, պիտի տնտեսությունը կայացած լինի, որ կարողանաս գումարը վերցնես ու կենսաթոշակ վճարես: Հետեւաբար, մեր եւ կենսաթոշակառուների բարեկեցությունը իրար հետ ուղղակի կապ ունեն: Այս ամենը հաշվի առնելով` ավելի ճիշտ կլինի մաղթել, որ մեր պետությունը հնարավորինս բոլոր բնագավառներում ավելի հզորանա:

ՀՐԱՆՏ ՍԱՐԱՖՅԱՆ

Հ.Գ.- Նյութն ամբողջությամբ կարդացե՛ք «Իրավունքի» չորեքշաբթի օրվա համարում: