ՌԴ-ՈՒՄ ՀԱՅ ՄԻԳՐԱՆՏՆԵՐԸ ԱԶԱՏԱՎԱԾ ԵՆ ԼԵԶՎԻ ՔՆՆՈՒԹՅՈՒՆԻՑ
Թեեւ Եվրասիական միությանը Հայաստանի անդամակցությունից հետո պաշտոնապես շատ խոսվեց, որ հայ միգրանտներն այսուհետեւ Ռուսաստանում ստանում են մի շարք առավելություններ, սակայն բողոքներ դեռ պարբերաբար հնչում են: Մասնավորապես, որ հայերը պետք է, ասենք, ռուսաց լեզվի քննություն հանձնեն մյուս բոլոր ազգերի միգրանտներին հավասար:
Բայց ահա Տարածքային կառավարման եւ արտակարգ իրավիճակների նախարարության Միգրացիոն ծառայության պետ Գագիկ Եգանյանը, ի պատասխան մեր հարցմանը, փաստեց, որ գոնե օրենսդրորեն եւ համապատասխան պայմանագրերով դա չի կարող լինել. -Ռուսաստանի տարածքում գտվող ՀՀ քաղաքացիները ազատվում են ռուսաց լեզվի, պատմության եւ իրավագիտության քննություններ հանձնելու պարտավորությունից: Նրանք պարտավոր չեն ներկայացնել նաեւ բժշկական եւ ապահովագրական տեղեկանքներ: Այլ պետությունների քաղաքացիները` օրինակ տաջիկները, ուզբեկները, պարտավոր են: Հայ աշխատանքային միգրանտները Ռուսաստան մուտք գործելիս` միգրացիոն քարտում` իբրեւ այցի նպատակ, պետք է նշեն "աշխատանքը": Ռուսաստան մեկնողները աշխատանքային պայմանագրերով պետք է ներկայանան ՌԴ Դաշնային միգրացիոն ծառայության տարածքային բաժանմունք եւ աշխատանքի արտոնագիր ստանան: Եվ նրանց միգրացիոն քարտի վրա արդեն կնշվի, որ նրանք Ռուսաստանում գտնվում են օրինական հիմունքներով: Եթե հայ աշխատանքային միգրանտը Ռուսաստանի տարածքում պետք է աշխատի 30 օր, ապա միգրացիոն ծառայություններում հաշվառվելու կարիք չկա: Այլ երկրների քաղաքացիների համար այս ժամկետը 7 օր է:
1
3078 դիտում
2
2438 դիտում
3
2353 դիտում
4
2073 դիտում
5
1982 դիտում
