ՍԷՖԻԼՅԱՆԻ ՄԱՐՏԻ 8-Ի ՆՎԵՐԸ ԿՆՈՋԸ

Արխիվ 12-16 6 Մարտ, 2015 16:05

ՍԷՖԻԼՅԱՆԻ ՄԱՐՏԻ 8-Ի ՆՎԵՐԸ ԿՆՈՋԸ

"Հիմնադիր խորհրդարան" կոչեցյալը իշխանության գալու սին պատրանքների մեջ արդեն պաշտոններ է բաժանում, այն էլ` ինչպիսի մարդկանց: Իրենց կայքում հրապարակված են սույն թվականի հունվարի 17-ին "Հիմնադիր խորհրդարանի" անկացրած "2-րդ նիստի" օրակարգում ընդգրկված հարցերը: Եվ ահա այդ նիստի ժամանակ, իրենց համարելով լուրջ կառույց` հիմնադիր խորհրդարանականները նույնիսկ ինչ-որ հանձնաժողովներ են ստեղծել եւ դրանց նախագահներ նշանակել, այսինքն` արդեն կատարվել է պաշտոնների բաժանումը:
Նշենք "նորաթուխ պաշտոնյաներից" մի քանիսին. ԿԱՐՈ ԵՂՆՈՒԿՅԱՆԸ Ներքին գործերի հանձնաժողովի նախագահն է: Այսինքն, եթե "Հիմնադիր խորհրդարանը" ինչ-որ հրաշքով գա իշխանության, մեր ոստիկանապետը լինելու է Կարո Եղնուկյա՞նը: Այսինքն, համ կունենաք մասսոն ոստիկանապետ, համ էլ ավտոերթերն այսուհետ կլինեն ոստիկանական մեքենաներով` ազդանշանները միացրած: Եվ հաշվի առնելով ավտոերթերի նկատմամբ Կարո Եղնուկյանի առանձնահատուկ սերը` դրանք կլինեն գրեթե ամեն օր եւ ամենուրեք: Իսկ Արտաքին գործերի եւ Սփյուռքի հարցերի հանձնաժողովի նախագահը ԳԱՐԵԳԻՆ ՉՈՒՔԱՍԶՅԱՆՆ է, այսինքն` ապրիլքսանչորսյան "մայդանից" հետո կառուցվելիք "նոր Հայաստանում" հանրահայտ սադրիչը զբաղեցնելու է ԱԳ նախարարի պաշտոնը:
Սակայն "Նորաթուխ պաշտոնյաների" մեջ ամենաուշագրավը ՆԱՆՈՐ ԲԱՐՍԵՂՅԱՆԻՆ Հայրենադարձության եւ սոցիալական հարցերի հանձնաժողովի նախագահ նշանակելն էր: Ինչպես գիտենք, Նանոր Բարսեղյանը Ժիրայր Սէֆիլյանի կինն է եւ այս պահին աշխատում եմ Հայաստանում Լիբանանի դեսպանատանը` որպես քարտուղարուհի: Այսինքն, Սէֆիլյանը մտադիր է կնոջը քարտուղարուհուց հասցնել մինչեւ նախարարի` առայժմ հանձնաժողովի նախագահ նշանակելով, իսկ իշխանության գալուց հետո` փաստորեն սոցապնախարար, որը կզբաղվի նաեւ հայրենադարձությամբ, այսինքն` կփոխարինի Հրանուշ Հակոբյանին, կամ ավելի կոնկրետ` կղեկավարի "Արի տուն" ծրագիրը: Եթե հաշվի էլ առնենք, որ շուտով Մարտի 8-ն է, ապա սա Սէֆիլյանի կողմից իր կնոջը բավականին լավ նվեր էր:
Հուսանք, սա ընդամենը սկիզբն է, եւ մոտ ապագայում Սէֆիլյանը պաշտոններ կտա իր եղբորը, ընտանիքի մյուս անդամներին, բարեկամներին, որից հետո էլ կանցնի քավոր-սանիկներին: Եվ այդ ամբողջ ընթացքում նրա համակիրներն իհարկե չեն մոռանա քննադատել իշխանություններին այն բանի համար, որ պետական համակարգում ամենուր իրենց բարեկամներին են աշխատանքի տեղավորել:

"100-ԱՄՅԱԿԸ
ԱՌԱՆՑ ԺԻՐԱՅՐ ՍԵՖԻԼՅԱՆԻ"
ՖԵՅՍԲՈՒՔՅԱՆ ԷՋ