«ՀԼԱ ՄԻ ՐՈՊԵ, ԷԴ ԴԱՇՏԻՆ Ի՞ՆՉ ԵՂԱՎ, Ի՞ՆՉ ԵՂԱՎ». Մ.ՄԵԼՔՈՒՄՅԱՆԸ` ԸՆԴԴԻՄԱԴԻՐ ԴԱՇՏԻ ՄԱՍԻՆ

«ՀԼԱ ՄԻ ՐՈՊԵ, ԷԴ ԴԱՇՏԻՆ Ի՞ՆՉ ԵՂԱՎ, Ի՞ՆՉ ԵՂԱՎ».

Մ.ՄԵԼՔՈՒՄՅԱՆԸ` ԸՆԴԴԻՄԱԴԻՐ ԴԱՇՏԻ ՄԱՍԻՆ

ԲՀԿ պատգամավոր Միքայել Մելքումյանից «Իրավունքը»հետաքրքրվեց`արդյոք համամիտ է   իր գործընկերոջ`Վահան Բաբայանի հետ, ով հայտարարել է, որ  ՀԱԿ առաջնորդ Լեւոն Տեր-Պետրոսյանի` «Սրտիս պարտքը» հոդվածից հետո  ՀԱԿ-ին ԲՀԿ-ի գործընկերը չի համարում: «Կյանքը ցույց կտա»,-պատասխանեց  Մելքումյանը:

- Դուք ցանկություն ունե՞ք, որ ՀԱԿ-ԲՀԿ համագործակցությունը շարունակվի:

- ԲՀԿ-ը  կարող է համագործակցել այն ուժերի հետ, որոնք  կիսում են իր գաղափարները, դրույթները: Բայց դա չի նշանակում, որ այդ պարտադրված կամ գերի է լինելու այդ ձեւաչափում:

- Իսկ Լեւոն Տեր-Պետրոսյանի «Սրտիս պարտքը»…

- Դե լավ էլի: Ես ո՛չ մեկնաբանում եմ, ո՛չ էլ կարդացել եմ այդ հոդվածը:

-Լեւոն Տեր-Պետրոսյանի այդ հոդվածը չե՞ք համարում դավաճանություն:

- Որ չեմ կարդացել, ո՞նց ասեմ:

- ՀԱԿ առաջնորդը մարտի մեկին հայտարարեց, որ ընդդիմադիր դաշտում  միայն  ՀԱԿ-ն է ընդդիմադիր:

- Հլա մի րոպե: Հասկանանք` ինչ է կատարվում, էդ դաշտն ի՞նչ եղավ, ի՞նչ չեղավ: Շատ շուտ է, դեռ ժամանակ  է պետք:

- «Ժառանգություն» կուսակցության առաջնորդ  Րաֆֆի Հովհաննիսյանը հայտարարել է`«եռյակ» գոյություն չունի: Ընդունում եք այդ տեսակետը, եւ «Ժառանգության» հետ համագործակցությունը ինչպե՞ս եք պատկերացնում:

- Մեր քաղաքական գիծը որոշելուց հետո բոլոր հարցերը պատասխան կստանան:

ՍՈՆԱ ԴԱՎԹՅԱՆ