Հ. Մանուկյանը ՔԿՀ-ի մոտ տեղի ունեցած փոխհրաձգության մասին. «ՄՏԱՀՈԳԻՉ Է, ՈՒՐԻՇ ՊԱՏԱՍԽԱՆ ՉՈՒՆԵՄ»
Արխիվ 12-16
Հ. Մանուկյանը ՔԿՀ-ի մոտ տեղի ունեցած փոխհրաձգության մասին. «ՄՏԱՀՈԳԻՉ Է, ՈՒՐԻՇ ՊԱՏԱՍԽԱՆ ՉՈՒՆԵՄ»
Մարտի 4-ին «Նուբարաշեն» ՔԿՀ հարակից տարածքում տեղի ունեցած փոխհրաձգության պատաճառով սպանվեցին քրեական աշխարհում հայտնի Երրորդմասցի Լյովիկը (Լեւոն Ղազարյան), նրա համախոհ Դրոն (Դրաստամատ Թադեւոսյան) եւ Մոսոն (Մեսրոպ Նազարյանց): Հիշեցնենք, որ դիմակավորված անձինք կրակել են կալանավայրի ավտոկայանատեղիի մոտ գտնվող վերոնշյալ անձնանց վրա ու փախուստի դիմել: Այս մասին այսօր` կառավարության նիստից հետո, փորձեցինք պարզաբանում ստանալ ՀՀ արդարադատության նախարար ՀՈՎՀԱՆՆԵՍ ՄԱՆՈՒԿՅԱՆԻՑ. «Մտահոգիչ է, ուրիշ պատասխան չունեմ: Կարծում եմ` քննությունը ամեն ինչի պատասխանը կտա»: Անդրադառնալով ՔԿՀ-ում գտնվող պահակախմբին, որոնք, ըստ որոշ տրամաբանության, առաջինը կարող էին կանխել տեղի ունեցածը կամ գոնե բացահայտել սպանությունն իրականացնողների ինքնությունը, արդարադատության նախարարը նշեց. «Իրենք իրավունք չունեն գործառույթներ իրականացնել, որոնք բնորոշ են ոստիկանությանը կամ քննչական ծառայություններին, բացի այդ դա տեղի չի ունեցել քրեակատարողական հիմնարկի տարածքում»: Իսկ ինչ վերաբերում, թե արդյո՞ք տեսախցիկները ֆիկսել են տեղի ունեցածը կամ ընդհանրապես կա՞ն այդտեղ տեսախցիկներ, պարոն Մանուկյանը չցանկացավ պատասխանել` թողնելով դա համապատասխան քննությանը. «Կոնկրետ այդ տարածքում կան, թե չկան, ես այս պահին չեմ կարող պատասխանել»:
ՀՐԱՆՏ ՍԱՐԱՖՅԱՆ
1
3078 դիտում
2
2438 դիտում
3
2353 դիտում
4
2073 դիտում
5
1982 դիտում
