ՆԻԿՈԼ ՓԱՇԻՆՅԱՆԸ ՉԻ՞ ՑԱՆԿԱՆՈՒՄ, ՈՐ ԼԵՎՈՆ ՏԵՐ –ՊԵՏՐՈՍՅԱՆԸ ՑՄԱՀ ԹՈՇԱԿ ՍՏԱՆԱ

ՆԻԿՈԼ ՓԱՇԻՆՅԱՆԸ ՉԻ՞ ՑԱՆԿԱՆՈՒՄ, ՈՐ ԼԵՎՈՆ ՏԵՐ-

ՊԵՏՐՈՍՅԱՆԸ ՑՄԱՀ ԹՈՇԱԿ ՍՏԱՆԱ

Այսօր  ԱԺ-ում քվեարկության դրվեց ՀՀ կառավարության «նախագահի վարձատրության, սպասարկման եւ անվտանգության ապահովման մասին» Հայաստանի Հանրապետության օրենքում լրացումներ եւ փոփոխություն կատարելու մասին» օրինագիծը: Ձայների մեծամասնությամբ` 2 դեմ, 98 կողմ, 10 ձեռնպահ օրենքն ընդունվեց:

Հիշեցնենք, որ օրենքի փոփոխությունից այս պահին շահում են ՀՀ նախկին նախագահներ Ռոբերտ Քոչարյանն ու Տեր-Պետրոսյանը: Սակայն արի ու տես, որ ՀԱԿ խմբակցության պատգամավոր Նիկոլ Փաշինյանը չի մասնակցել քվեարկությանը` սրանով արտահայտելով իր հստակ վերաբերմունքը: Հավանաբար, Նիկոլ Փաշինյանն առաջին հերթին քար է գցել երկրորդ նախագահ Ռոբերտ Քոչարյանի, ապա նաեւ իր  նախկին «կուռք» համարվող ՀՀ 1-ին նախագահի բոստանը:

Փոփոխությանը կողմ է քվեարկել  նաեւ «Ժառանգության» խմբակցության քարտուղար Թեւան Պողոսյանը, ի տարբերություն խմբակցության ղեկավար Ռուբեն Հակոբյանի ու  խմբակցության պատգամավոր Զարուհի Փոստանջյանի, ով երեկ ամեն գնով կոչ էր անում բոմժի կարգավիճակում թողնել նախկին նախագահներին, քանի որ նրանք  ցմահ թոշակի կարիք չունեն:

ԲՀԿ-ը, բացառությամբ Էլինար Վարդանյանի, ով ձեռնպահ է քվեարկել, եւս կողմ է քվեարկել օրենքի փոփոխությանը եւ զարմանալի կլիներ, որ կողմ չքվեարկեր, քանի որ  խոսքն իրենց «կնքահոր»՝ նախկին նախագահի մասին է:

ՍՈՆԱ ԴԱՎԹՅԱՆ