ԱՐԴՅՈՔ ԱՅՍ ՏԱՐԻ ԿՎԵՐԱԿԱՆԳՆՎԻ ԵՐԵՎԱՆ-ՄՈՍԿՎԱ ԵՐԿԱԹՈՒՂԻՆ

ԱՐԴՅՈՔ ԱՅՍ ՏԱՐԻ ԿՎԵՐԱԿԱՆԳՆՎԻ ԵՐԵՎԱՆ-ՄՈՍԿՎԱ

ԵՐԿԱԹՈՒՂԻՆ

Այսօր «Անի Պլազա» հյուրանոցում  տեղի է ունեցավ համագործակից երկրների  երկաթուղային տրանսպորտի խորհրդի  ուղեւորափոխադրումների հարցերով հանձնաժողովի 15-րդ նիստը, որը կտեւեի երկու օր` մարտի 4-6-ը:

Նիստին մասնակցում են  Բելառուսի, Վրաստանի, Ղազախստանի, Լիտվայի, Լատվիայի,, Մոլդովայի, Ռուսաստանի, Տաջիկստանի, Ուզբեկստան, Ուկրաինայի, Էստոնիայի երկաթուղային վարչությունների ներկայացուցիչները: Նրանք կքննարկեն  նախորդ տարվա միջազգային երկաթուղային  ուղեւորափոխադրումների արդյունքները, Մոլդովայի ու Բելառուսի միջեւ սակագների նվազեցման հարցը, «Էքսպրես» միջազգային համակարգի տեխնոլոգիական շահագործման փոփոխությունները:

Նիստը մեկնարկեց  Հայաստանի Հարավկովկասյան երկաթուղի   եւ Ռուսաստանի  դաշնության ուղեւորափոխադրող ընկերությունների միջեւ ստորագրվող փոխըմբռնման եւ համագործակցության հուշագրով, որի շնորհիվ   Հայաստանում հնարավոր կլինի գնել  տոմսեր ռուսական գնացքներով երթեւեկելու համար:   Հուշագրի ստորագրումից հետո «Ռուսական  երկաթուղիներ» ընկերության տնտեսական մասի  կառավարման վարչության պետ, հանձնաժողովի նախագահ Գենադի Վերխովիխը լրագրողների հետ զրույցում տեղեկացրեց, որ  նման նիստ  Հայաստանում առաջին անգամ է անցկացվում: «Նիստի անցկացման նպատակն է  քննարկել բոլոր այն հարցերը, որոնք առնչվում են ուղեւորափոխադրումներին` սկսած նորմատիվային փաստաթղթերից  վերջացրած   ուղեւորներին մատուցվող ծառայություններով:   Հիմնական խնդիրը   կազմել եւ   օգտագործել  նորմատիվային  այնպիսի փաստաթղթեր  հետխորհրդային տարածքում, որոնց շնորհիվ  ուղեւորը կկարողանա մի երկրից մյուսը տեղափոխվել, սահման հատել  հեշտ ու արագ:   Մենք փորձում ենք  ընդլայնել  նաեւ էլեկտրոնային տոմս գնելու սահմանները »,- ասաց  պրն Վերխովիխը:

«Հարավկովկասյան երկաթուղի» ՓԲԸ-ի տնօրեն Վիկտոր Ռեբեցի խոսքով` երկաթուղային փոխադրումների վրա  դրական չեն անդրադառնում  փոխարժեքի տատանումները. «Հենց այսօր  տեղեկացանք, որ  «Ռուսական երկաթուղիներ» ընկերությունը ուղեւորների նվազման միտում է արձանագրել, ինչպես նաեւ նվազել են հետխորհրդային տարածքում երթեւեկողների ու   Եվրոպայից եկող ուղեւորների թիվը»:

Արդյոքայս տարիհնարավոր է վերականգնել Երեւան-Մոսկվա երկաթուղին, որի  վերջին երթը եղել է 1992 թ-ին: «Այս խնդիրը բոլորիս է մտահոգում: Յուրաքանչյուր հանդիպման ժամանակ լրագրողներն ինձ տալիս են այդ  հարցը:  Բոլոր առումներով ջանքեր են գործադրվում վերականգնելու Երեւան-Մոսկվա երկաթուղին: Մնում է հուսալ, որ այս ուղղությամբ տարվող  բանակցությունները  դրական արդյունք կունենան»,- եզրափակեց Վիկտր Ռեբեցը:

ՍՈՆԱ ԴԱՎԹՅԱՆ