"ԻՇԽԱՆՈՒԹՅԱՆ ՀԵՏ ԲՀԿ-Ն ԿՈԱԼԻՑԻԱ ՉԻ ԿԱԶՄԻ"

"ԻՇԽԱՆՈՒԹՅԱՆ ՀԵՏ ԲՀԿ-Ն ԿՈԱԼԻՑԻԱ ՉԻ ԿԱԶՄԻ"

Պարզվում է` ԲՀԿ-ի վերջին նիստին ԲՀԿ մի քանի պատգամավորներ տարբեր պատճառներով չեն մասնակցել: Նրանցից մեկն էլ ԲՀԿ գործարար պատգամավոր ՎԱՀԱՆ ԿԱՐԱՊԵՏՅԱՆՆ է (Չերիի Վահան), ով "Իրավունքի" հետ զրույցում ասաց, որ իրեն ուշ են տեղեկացրել նիստի մասին եւ չի հասցրել մասնակցել: ԲՀԿ պատգամավորին ԲՀԿ-ի հետագա քաղաքական կուրսի, մարտի 5-ի համագումարի մասին "Իրավունքը" մի քանի հարց ուղղեց:
–Պրն Կարապետյան, Ձեզ հայտնի՞ է` ով է լինելու ԲՀԿ առաջնորդը:
– Դե, կառաջարկեն, կտեսնենք:
– Հավանական թեկնածուն Նաիրա Զոհրաբյանն է:
– Նախնական` Նաիրա Զոհրաբյանի թեկնածությունն էլ կա, չգիտեմ:
–  Կցանկանա՞ք տիկին Զոհրաբյանին տեսնել ԲՀԿ առաջնորդի դերում:
– Դե, կառաջադրեն, կտեսնենք էլի: Քաղխորհուրդը կորոշի:
– Ձեր կարծիքը կցանկանայինք լսել:
– Կցանկանայի:
– ԲՀԿ-ի հետագա քաղաքական կուրսն ինչպե՞ս եք պատկերացնում, ո՞ր դաշտում կգործի:
– Դե, ամսի 5-ին կերեւա, էլի: Իմ կարծիքով` ընդդիմադիր դաշտում կգործենք:
– Ծայրահե՞ղ, թե՞ կառուցողական ընդդիմադիր դաշտում կգործի ԲՀԿ-ն:
– Ես այդ երկուսն իրարից չեմ տարբերում: Մենք մտահոգ ենք մեր երկրի ու ժողովրդի համար:
– Իշխանության հետ ԲՀԿ-ն կոալիցիա կկազմի՞:
– Իմ կարծիքով` իհարկե ոչ:
– Հավանակա՞ն համարում եք, որ ԲՀԿ-ից դուրս եկածները նորից ետ վերադառնան, եթե Նաիրա Զոհրաբյանը դառնա ԲՀԿ ղեկավար:
– Կարծում եմ` ոմանք ետ կվերադառնան:
– Օրինակ, ովքե՞ր: Անուններ կտա՞ք:
– Չէ, ես ոչ մեկի հետ չեմ զրուցել: Բայց կարծում եմ` ետ վերադարձողներ կլինեն:

ՍՈՆԱ ԴԱՎԹՅԱՆ