ՎԱՀԱՆ ԲԱԲԱՅԱՆ. «ԲՀԿ Ը ՉԻ ՊԱՀԱՆՋԻ ԱՐՏԱՀԵՐԹ ՆԱԽԱԳԱՀԱԿԱՆ ԵՎ ԽՈՐՀՐԴԱՐԱՆԱԿԱՆ ԸՆՏՐՈՒԹՅՈՒՆՆԵՐ»

ՎԱՀԱՆ ԲԱԲԱՅԱՆ. «ԲՀԿ-Ը ՉԻ ՊԱՀԱՆՋԻ ԱՐՏԱՀԵՐԹ

ՆԱԽԱԳԱՀԱԿԱՆ ԵՎ ԽՈՐՀՐԴԱՐԱՆԱԿԱՆ

ԸՆՏՐՈՒԹՅՈՒՆՆԵՐ»

ԲՀԿ պատգամավոր Վահան Բաբայանին այսօր «Իրավունքն» ու եւս մեկ լրատվամիջոց հարցեր ուղղեցին :

-Պրն Բաբայան, ԲՀԿ-ն  այսուհետ քաղաքական ո՞ր դաշտում է գործելու («Իրավունք») :

- ԲՀԿ համագումարին մենք հանդես կգանք հայտարարությամբ:

- Ձեր գործընկերներից մի քանիսը նշում են, որ գործելու են ընդդիմադիր դաշտում («Իրավունք»):

- Կոլեգաներն ասում են իրենց անձնական կարծիքը:

- Դուք էլ ձեր անձնական կարծիքը հայտնեք («Իրավունք»):

- ԲՀԿ-ի անունից ես իրավասու չեմ կարծիք հայտնել, իսկ իմ կարծիքը, կարծում եմ, ձեզ չի հետաքրքրում:

- Այնուամենայնիվ, գործելու եք ընդդիմադի՞ր դաշտում:

- Իմ անձնական կարծիքով` այս պահին մենք ընդդիմադիր դաշտում կգործենք:

- Իսկ ծայրահե՞ղ, թե՞ կառուցողական ընդդիմադիր դիրքորոշում կորդեգրենք («Իրավունք»):

- Ես միշտ դեմ եմ եղել ցնցումներին, ապակայունացման քաղաքականությանը, իհարկե, կողմնակից լինելով զանգվածային միջոցառումներին` երթերին, բողոքի ակցիաներին, ցույցերին, բայց հիմա նոր իրավիճակ է ստեղծվել`մենք ունենք նոր քննարկելու բաներ:

- Դուք ասացիք, որ դեմ եք ցնցումներին: Բայց ԲՀԿ առաջնորդը հայտարարություն տարածեց, որտեղ գրված էր, որ չեղյալ է համարվում փետրվարի քսանի հանրահավաքը, որպեսզի արյուն չթափվի: ԲՀԿ-ը մինչ այդ չգիտե՞ր, որ հնարավոր է արյուն է  թափվելու: Չէի՞ք հաշվարկել, որ  հանրահավաքին կլինեին ցնցումներ («Իրավունք»):

- Իսկ ո՞վ է ասել, որ մենք մինչ այդ կողմ ենք եղել ցնցումներին: Որեւէ մեկը նման բան ասե՞լ է:

- Դուք չգիտեի՞ք, որ հանրահավաքները  հիմնականում  բերում   են ցնցումներ… («Իրավունք»)

- Դուք գիտե՞ք, որ քաղաքականությունը գործընթաց է, որն անընդհատ զարգանում է: Որեւէ մարդ գուշակ չէ, որ իմանա` ինչ կարող է լինել վաղը չէ մյուս օրը:

- Փետրվարի քսանի հանրահավաքը չէ՞ր բերի արյունահեղության («Իրավունք»):

- Ես չեմ ուզում վերլուծություններ անել անցյալի վերաբերյալ: Եկեք նայենք դեպի ապագան:

- ԲՀԿ առաջնորդ ո՞վ էլինելու: Բացի Նաիրա Զոհրաբյանից` շրջանառվում է նաեւ Վարդան Օսկանյանի անունը:

- Ես  այսօր ոչինչ չեմ կարող բացառել: Մարդիկ իրենք են որոշոևմ իրենց ապագան:

- ԲՀԿ խմբակցությունից դուրս եկածները հնարավոր է փոխե՞ն  իրենց որոշումը ու վերադառնան («Իրավունք»):

- Ոչինչ չի բացառվում:

-Դուք տեղյա՞կ եք` ԲՀԿ խմբակցությունից դուրս եկածների հետ բանակցություններ  արում  է կուսակցությունը` նրանց հետ բերելու համար («Իրավունք»):

- Օրինակ, Դուք այսօր  տեսաք, որ Մելիք Մանուկյանն օրեր առաջ հրաժարվել էր մանդատից, իսկ այսօր պարզվեց` փոխել է որոշումը:

-ԲՀԿ-ը կպահանջի՞ արտահերթ նախագահական եւ  խորհրդարանական ընտրություններ («Իրավունք»):

- Իմ անձնական կարծիքով`ոչ:

- Ինչո՞ւ («Իրավունք»):

- Ես այդպես եմ կարծում:

ՍՈՆԱ ԴԱՎԹՅԱՆ