«ՀԻՄՆԱԴԻՐ ԽՈՐՀՐԴԱՐԱՆԻ» «ՄԵԾԱՊԱՏԻՎ ՄՈՒՐԱՑԿԱՆՈՒԹՅՈՒՆԸ»

«ՀԻՄՆԱԴԻՐ ԽՈՐՀՐԴԱՐԱՆԻ» «ՄԵԾԱՊԱՏԻՎ ՄՈՒՐԱՑԿԱՆՈՒԹՅՈՒՆԸ»

Հունվարի 31-ին Բերձորում սադրանք կազմակերպելուց հետո «Հիմնադիր խորհրդարան» կոչվող կառույցը մի քանի օր անց հանդես եկավ հայտարարությամբ: Թվում էր, թե այն պետք է տեղեկացներ որևէ կարևոր փաստի կամ իրադարձության մասին, սակայն այդ հայտարարությունը պարզապես դրամահավաքության կոչ էր` ուղղված Հայաստանի և արտերկրի հայերին: Որպես այդ «մեծապատիվ մուրացկանության» հիմնավորում Սեֆիլյանն ու ընկերները նշել էին, թե իբր հավաքված գումարով փոխհատուցելու են իրենց կրած վնասը, նույնիսկ նշել էին վնասի կոնկրետ չափը` ուղիղ 35.000 ԱՄՆ դոլար:
Սակայն դրանից օրեր անց «Հիմնադիր խորհրդարանի» կայքում հայտնվեց մի տեղեկություն, համաձայն որի ամերիկյան indiegogo.com կայքում բացվել է մի էջ, որ միջոցով Սեֆիլյանն ու ընկերները հորդորում են նույն վնասի փոխհատուցման նպատակով գումարներ փոխանցել իրենց կողմից բացված հաշվեհամարների վրա, բայց արդեն ոչ թե 35, այլ 40.000 դոլար: Ի դեպ, indiegogo.com կայքն ունի դրամահավաքության կազմակերպման որոշակի կանոններ, որոնց համաձայն էլ Սեֆիլյանը մտադիր է 40 օրում հավաքել 40.000 դոլար, իսկ եթե դա նրան չհաջողվի, ապա հավաքված գումարից կայքը որպես միջնորդավճար պահելու է ավելի բարձր տոկոսներ: Հետաքրքրական է նաև այն, որ դրամի, դոլարի, եվրոյի և ռուբլու հաշվեհամարները բացվել են «Հիմնադիր խորհրդարանի» անդամներ Վարուժան Ավետիսյանի ու Վարդան Բալյանի անուններով: Ասել է, թե նրանք ազատորեն կարող են իրենց հայեցողությամբ տնօրինել սեփական հաշվեհամարներին փոխանցվող գումարները: «Հիմնադիր խորհրդարանի» կայքի տվյալների համաձայն, այս պահի դրությամբ indiegogo.com կայքի միջոցով Սեֆիլյանն ու ընկերներն արդեն հավաքել են մոտ 7.700 դոլար:
Հիմա այստեղ մի շարք հարցեր են առաջանում. ինչպե՞ս և ի՞նչ սկզբունքներով են «Հիմնադիր խորհրդարանի» սադրիչները որոշել վնասի չափը, և դա այն դեպքում, երբ իրենք իրավապահներին չէին դիմել այդ հարցով, փորձաքննություն չէր անցկացվել: Եվ այդ ինչպե՞ս է մի քանի մեքենայի կոտրած դիմապակիները և 2-3 վնասված տեսախցիկը գնահատվել 35, հետո էլ 40.000 դոլար: Ինչու՞ հենց 40.000: Միգուցե հիմա իրենց հենց այդքա՞ն գումար է անհրաժեշտ ինչ-որ անձնական խնդիրներ լուծելու համար, և ահա մեր «ազգափրկիչները» որոշել են այդ գումարը կորզել ժողովրդից:
Այս հարցերի պատասխանը դժվար չի ենթադրելը, և այն կրկին անգամ ցույց է տալիս «Հիմնադիր խորհրդարան» կոչեցյալի անդամների իրական դեմքն ու իրական նպատակները:

«100-ամյակը առանց Ժիրայր Սեֆիլյանի» ֆեյսբուքյան էջ